Mpamporafy sady mpanasitrana, manaiky ny fahamarinana
NIARAKA tamin’ny olon-kafa maro koa, ny Afrikana iray nantsoina hoe Isaac dia nandao ny Eglizy apostolika tao an-tanànany noho io tsy mampihatra izay nampianariny. Lasa Vavolombelon’i Jehovah daholo niaraka tamin’ny vadiny ireo lehilahy rehetra ireo, taty aoriana, afa-tsy Isaac. Nanapa-kevitra ny hitsidika azy izy ireo hilaza aminy fa nahita ny fahamarinana. Tonga mpimasy kinga Isaac, teo anelanelan’izay; nanana vady maro koa izy. Rehefa avy nianatra ilay Bokikely hoe Mifalia amin’ny fiainana eto an-tany mandrakizay!, indrindra moa fa teo amin’ny faritra mahakasika ny fomba fiainany, dia natsahatr’Isaac ny fanaovana ody ratsy, nahazoany vola be; noroahiny koa ireo vadiny, afa-tsy ilay voalohany, izay nalaminy ara-dalàna ny firaisana aminy. 63 taona ravehivavy ary 68 taona izy. Nilaza mihitsy Isaac fa mahatsiaro ho “tena sambatra sy afaka izy ankehitriny, tsy matahotra ireo fanahy intsony”.