Mitantara ireo mpitory ilay Fanjakana
Fanorenana nohalehibeazina mba hanarahana ny fitomboan’ilay Fanjakana
ANDRO iray nahasambatra tany Jamahika, nosy iray any amin’ny ranomasina Karahiba, ilay nitokanana ny tapany nohalehibeazina vao haingana amin’ny tranon’ny sampan’ny Vavolombelon’i Jehovah. Nanjary tena nilaina io fanitarana io, satria notahin’i Jehovah ny fiezahana mitohy nataon’ireo Vavolombelona tamin’ny fitoriana ny vaovao tsara tao amin’io nosy tropikaly kanto io.
Nisy tranon’ny misionera nosokafana tany Jamahika vao tamin’ny 1946. Rehefa nihazona ny lohalaharana ireo misionera, dia nitombo haingana ny isan’ny mpitory, ka tao anatin’ny folo taona monja ny isa ara-keviny amin’ny Vavolombelona namerina filazana asa dia niova teo amin’ny 732 nankamin’ny 3 216. Koa nilaina àry ny toeram-ponenana vaovao mba hanatrehana ny fitomboana.
Tamin’ny 1954, dia nisy tany nety tsara tamin’izay ilaina azo tany ambanivohitra tony any Kingston, ka ny fanorenana voalohany dia trano mafy orina misy rihana iray. Vita tamin’ny may 1958 io. Tamin’io taona io, dia tratra ny tampon’isan’ny mpitory 4 367.
Nanohy ‘namboly’ sy ‘nanondraka’ ny Vavolombelona ary Jehovah ‘nampitombo’, ka nanjary maherin’ny 7 000 ny mpitory tamin’ny 1983, ary nilaina indray ny fanitarana vaovao (I Korintiana 3:6). Ny Komitin’ny sampana, nifanaraka tamin’ny Kolejy foibe, dia nanapa-kevitra hanitatra ny fanorenana efa nisy. Nisy rahalahy maherin’ny 250 avy any amin’ny faritra rehetra amin’ilay nosy mba hitondra ny fanampiany. Mpiasa mahay asan-tanana na tsia no nanolotra ny asany tamin’ny fanorenan-trano, ny rafitra, ny herimbaratra sy ny fantsona. 10 ka hatramin’ny 86 taona izy ireny. Ny sasany nanohana ara-bola ilay fikasana, ny hafa nanome sakafo ho an’ny mpiasa, ary ny hafa indray namoha ny tranony ho an’ireo mpiasa an-tsitrapo avy lavitra. Tao anatin’ny herintaona, dia tanteraka ilay fikasana ary vonona ny hampiasain’ireo mpianakavin’ny Betela iraika ambin’ny folo: nilaina ny hanampiana rihana faharoa misy efitra dimy sy efitra fialam-boly iray, efitra iray ao amin’ny rihana voalohany, sy toeram-pitehirizana entana 37 metatra toradroa.
Milton Henschel, mpikambana ao amin’ny Kolejy foiben’ny Vavolombelon’i Jehovah, no nanao ny lahateny fitokanana ny 22 febroary 1986 niorina tamin’ny foto-kevitra hoe “Ny filaharana avy nandresy” (II Korintiana 2:14.) Narahin’ny olona 2 949 tamin’ny fitambarany ny fandaharam-pitokanana, ka 380 no teo an-toerana, tao amin’ny Efitrano Fanjakana sy tany amin’ireo tapany hafa amin’ny trano. Ny hafa kosa nifandray an-telefaonina sy tamin’ny onjam-peo tany amin’ireo Efitrano Fanjakana tao an-tanàna sy tany amin’ny efitrano malalaka an’ny sekoly iray.
Ny ankamaroan’ireo nasaina tafavory tao amin’ny Efitrano Fanjakana an’ny sampana dia rahalahy sy anabavy efa nandeha tao amin’ny fahamarinana nandritra ny 30 taona na mihoatra. Maro no naneho ny fankasitrahany noho ireo asam-panitarana ireo. Manantena izahay fa maro amin’ireo anisan’ny “olona betsaka” amin’ny “ondry hafa” no mbola hiaraka amin’ny filaharana avy nandresy, amin’izao fanorenana vaovaon’ny sampana ho fanatrehana ny fitomboana any Jamahika izao.