Jesosy, ny fiainany sy ny fanompoany

Rehefa ho tonga ao amin’ny herin’ny Fanjakany i Kristy

MBOLA nipetraka niaraka tamin’ireo apostoliny teo an-tendrombohitra Oliva i Jesosy. Tamin’ny famaliana ny fanontanian’izy ireo ny amin’ny famantarana ny fanatrehany sy ny ho famaranana ny fandehan-javatra, dia nanambara tamin’izy ireo ny farany tamin’ny fitohitohizana fanoharana telo izy. “Ary raha tonga ny Zanak’olona amin’ny voninahiny arahin’ny anjely rehetra”, hoy i Jesosy nanomboka ny teniny, dia “hipetraka eo ambonin’ny seza fiandrianan’ny voninahiny izy.”

Ny olombelona dia tsy afaka mahita ny anjely ao amin’ny voninahiny any an-danitra. Noho izany, ny fahatongavan’ny Zanak’olona, Jesosy Kristy, miaraka amin’ireo anjely dia tsy maintsy ho tsy hitan’ny mason’ny olombelona. Nitranga izany fahatongavany izany tamin’ny taona 1914. Nefa, noho ny fikendrena inona? Hoy ny fanazavan’i Jesosy: “Ary ny firenena rehetra hangonina eo anatrehany, dia hanavaka azy izy, tahaka ny mpiandry ondry manavaka ny ondry amin’ny osy. Ary hametraka ny ondry eo amin’ny ankavanany izy, fa ny osy eo amin’ny ankaviany.”

Raha nilazalaza izay hitranga tamin’ireo navahana ho amin’ny andaniny hankasitrahana i Jesosy dia nanambara hoe: “Ary amin’izany ny Mpanjaka dia hilaza amin’izay eo amin’ny ankavanany hoe: “Avia hianareo izay notahin’ny Raiko, mandovà ny fanjakana izay voavoatra ho anareo hatrizay nanorenana izao tontolo izao.” Ireo ondry dia tsy hanjaka hiaraka amin’i Kristy any an-danitra, fa handova ny Fanjakana amin’ny heviny hoe hofehezin’io Fanjakana io eto an-tany”. Ny “nanorenana izao tontolo izao” dia nitranga rehefa nanomboka nanan-janaka ho afaka handray soa avy amin’ny fandaharana nataon’Andriamanitra mba hanavotana ny taranak’olombelona ry Adama sy Eva.

Nefa, nahoana ireo ondry no navahana mba ho eo amin’ny teoram-pankasitrahana eo ankavanan’ny Mpanjaka? Fa namaly ny mpanjaka hoe: “Fa noana Aho, dia nomenareo hanina; nangetaheta Aho, dia nampisotroinareo; nivahiny aho, dia nampiantranoinareo; tsy nanan-kitafy Aho, dia notafianareo. Narary Aho, dia notsaboinareo. Tao an-trano-maizina Aho, dia novangianareo.”

Koa satria ny ondry etỳ an-tany, dia maniry hahafantatra izy ireny hoe ahoana no nahafahany nanao zavatra tsara toy izany ho an’ny Mpanjakany any an-danitra. Dia nanontany azy ireo hoe: “Tompoko, oviana no hitanay noana Hianao ka nomenay hanina, na nangetaheta ka nampisotroinay? Ary oviana no hitanay nivahiny Hianao ka nampiantranoinay, na tsy nanan-kitafy ka notafianay? Ary oviana no hitanay narary Hianao na tao an-trano-maizina ka novangianay?”

Raha nilazalaza izay hitranga tamin’ireo navahana ho amin’ny andaniny hankasitrahana i Jesosy dia nanambara hoe: “Ary amin’izany ny Mpanjaka dia hilaza amin’izay eo amin’ny ankavanany hoe: Avia hianareo izay notahin’ny Raiko, mandovà ny fanjakana izay voavoatra ho anareo hatrizay nanorenana izao tontolo izao.” Ireo ondry dia tsy hanjaka hiaraka amin’i Kristy any an-danitra, fa handova ny Fanjakana amin’ny heviny hoe hofehezin’io Fanjakana io eto an-tany. Ny “nanorenana izao tontolo izao” dia nitranga rehefa nanomboka nanan-janaka ho afaka handray soa avy amin’ny fandaharana nataon’Andriamanitra mba hanavotana ny taranak’olombelona ry Adama sy Eva.

Nefa nahoana ireo ondry no navahana mba ho eo amin’ny toeram-pankasitrahana eo ankavanan’ny Mpanjaka? Fa namaly ny mpanjaka hoe: “Fa noana Aho, dia nomenareo hanina; nangetaheta Aho, dia nampisotroinareo; nivahiny Aho, dia nampiantranoinareo; tsy nanan-kitafy Aho, dia notafianareo; narary Aho, dia notsaboinareo; tao an-trano-maizina Aho, dia novangianareo.”

Koa satria ny ondry etỳ an-tany, dia maniry hahafantatra izy ireny hoe ahoana no nahafahany nanao zavatra tsara toy izany ho an’ny Mpanjakany any an-danitra. Dia nanontany azy ireo hoe: “Tompoko, oviana no hitanay noana Hianao ka nomenay hanina, na nangetaheta ka nampisotroinay? Ary oviana no hitanay nivahiny Hianao ka nampiantranoinay, na tsy nanan-kitafy ka notafianay? Ary oviana no hitanay narary Hianao, na tao an-trano-maizina, ka novangianay?”

Namaly ny Mpanjaka nanao hoe: “Lazaiko aminareo marina tokoa: Araka izay efa nataonareo tamin’ny anankiray amin’ireto rahalahiko kely indrindra ireto no nataonareo tamiko.” Ny rahalahin’i Kristy dia ny sisa amin’ny 144000 izay mbola etỳ an-tany ka hanapaka hiaraka aminy any an-danitra. Raha manao zavatra tsara amin’izy ireny, araka ny nolazain’i Jesosy, dia sahala amin’ny manao izany aminy.

Manaraka izany, dia niteny tamin’ny osy ny Mpanjaka hoe: “Mialà amiko, hianareo izay voaozona, ho any amin’ny afo maharitra mandrakizay, izay voavoatra ho an’ny devoly sy ny anjeliny. Fa noana Aho, fa tsy mba nomenareo hanina, nangetaheta Aho, fa tsy mba nampisotroinareo; nivahiny Aho, fa tsy mba nampiantranoinareo; tsy nanan-kitafy Aho, fa tsy mba notafianareo; narary sy tao an-trano-maizina Aho, fa tsy mba novangianareo.”

Kanefa, ny osy dia hamaly azy hoe: “Tompoko, oviana no hitanay noana Hianao, na nangetaheta, na nivahiny, na tsy nanan-kitafy, na narary, na tao an-trano-maizina, ka tsy mba nanompo Anao izahay?” Ny osy dia melohina mifototra amin’ny zavatra itsarana koa ny ondry ankasitrahana. “Araka izay tsy nataonareo tamin’ny anankiray amin’ireto kely indrindra ireto [amin’ny rahalahiko], no tsy mba nataonareo tamiko”, hoy ny navalin’i Jesosy azy ireo.

Noho izany, ny fanatrehan’i Kristy ao amin’ny herin’ny Fanjakany, alohan’ny famaranana ny fandehan-javatra ratsy amin’ny fahoriana lehibe dia ho fotoam-pitsarana. Ny osy dia “hiala ho any amin’ny fampijaliana [fanesorana, MN ] mandrakizay, fa ny marina [ny ondry] ho any amin’ny fiainana mandrakizay.” Matio 25:31-46; Apokalypsy 14:1-3

◆ Nahoana no tsy hita maso ny fanatrehan’i Kristy, ary asa inona no ataony amin’io fotoana io?

◆ Amin’ny heviny ahoana ireo ondry no handova ny Fanjakana?

◆ Oviana no “nanorenana izao tontolo izao”, ary nahoana no tamin’izany fotoana izany?

◆ Amin’ny fototra inona no itsarana ireo olona na ho ondry na ho osy izy?