Fanampiana Isa ny Mpikambana ao Amin’ny Fitambara-mpitantana
MBA hampitomboana ny isan’ny mpiasa ao amin’ny Fitambara-mpitantan’ny Vavolombelon’i Jehovah, dia nisy mpikambana hafa iray nanampy ireo loholona 11 efa manompo ao. Io mpikambana vaovao io dia i Gerrit Lösch.
Ny Rahalahy Lösch dia niditra tao amin’ny fanompoana manontolo andro tamin’ny 1 Novambra 1961, ary nahazo diplaoma tamin’ny kilasy faha-41 amin’ny Sekoly Ara-baibolin’i Gileada An’ny Watchtower. Nanompo tao amin’ny asan’ny fizaran-tany sy ny distrika tany Aotrisy izy teo anelanelan’ny 1963 sy 1976. Nanambady izy tamin’ny 1967, ary izy sy i Merete vadiny, tatỳ aoriana dia nanompo nandritra ny 14 taona teo anivon’ny fianakavian’ny Betelan’i Aotrisy tany Vienne. Efa-taona lasa izay dia nafindra ho any amin’ny foiben’ny Fikambanana any Brooklyn, any New York, izy. Tao ny Rahalahy Lösch dia nanompo tao amin’ireo Birao Mpanatanteraka sy tamin’ny naha-mpanampy tao amin’ny Komitin’ny Fanompoana. Noho ny fanandraman-javatra maro samihafa ananany momba ny asa any Eoropa sy ny fahaizany ny teny alemanina, anglisy, romaniana ary italiana, dia hanana anjara sarobidy ao amin’ny asan’ny Fitambara-mpitantana izy.