FITEHIRIZAM-BOKIN’NY Vavolombelon'i Jehovah
FITEHIRIZAM-BOKIN’NY
Vavolombelon’i Jehovah
Malagasy
  • BAIBOLY
  • ZAVATRA MISY
  • FIVORIANA
  • w95 15/11 p. 3-4
  • Misy Fiainana Tsara Kokoa Ampanantenaina

Tsy misy video mifandray amin’io.

Miala tsiny fa tsy mety miseho ilay video.

  • Misy Fiainana Tsara Kokoa Ampanantenaina
  • Ny Tilikambo Fiambenana Manambara ny Fanjakan’i Jehovah—1995
  • Lohatenikely
  • Mitovitovy Aminy
  • Fiainana manao ahoana no ho tianao kokoa?
  • Hiaina ao Amin’ny Paradisa Ireo Naman’Andriamanitra
    Afaka ny ho Sakaizan’Andriamanitra Ianao!
  • Ilay Paradisa eto An-tany
    Ny Fanahin’ireo Maty—Afaka Manampy Anao ve Izy Ireo sa Afaka Manisy Ratsy Anao? Tena Misy Tokoa ve Izy Ireo?
  • Aorian’ny Haramagedona, paradisa an-tany
    Azonao Atao ny Hiaina Mandrakizay ao Amin’ny Paradisa eto An-Tany
  • “Hiaraka Amiko ao Amin’ny Paradisa Ianao”
    Henoy Ilay Mpampianatra Lehibe
Hijery Hafa
Ny Tilikambo Fiambenana Manambara ny Fanjakan’i Jehovah—1995
w95 15/11 p. 3-4

Misy Fiainana Tsara Kokoa Ampanantenaina

HO TIANAO ve ny ho afaka amin’ireo zava-manahirana izay mahatonga ny fiainana ho sarotra? Tianao ve ny hiaina ao amin’ny tontolo iray izay hisian’ny fiainana maharavoravo toy izay aseho ao amin’ilay sary eo amin’ny fonony aloha sy aorian’itỳ gazety itỳ? Jereo tsara io sary io. Manan-javatra be dia be hohanina ny olona. Tena hankafy izany sakafo matsiro izany izy ireo. Sambatra avokoa ny rehetra. Mihavana ny olona avy amin’ny firazanana samy hafa. Na dia ireo biby aza dia mihavana! Tsy misy olona miady. Tsy misy olona mahantra. Tsy misy olona marary. Misy faritra manodidina mahafinaritra sy hazo tsara tarehy ary rano madio manganohano. Faritra faran’izay kanto re izany!

Ho tahaka izany ve itỳ tany itỳ indray andro any? Eny, ho paradisa ny tany. (Lioka 23:43, NW ). Andriamanitra, izay namorona ny tany, dia nikasa ny hananan’ny olombelona fiainana tsara kokoa eto amin’ny tany ho zary paradisa. Ary afaka ny ho ao ianao!

Fiainana manao ahoana no ho tianao kokoa?

Hanao ahoana ny fahasamihafana eo amin’ilay Paradisa eto an-tany ho avy sy ny tontolo iainantsika ankehitriny? Amin’izao fotoana izao, dia olona maherin’ny arivo tapitrisa no noana isan’andro. Ao amin’ilay Paradisa nokasain’Andriamanitra ho an’ny tany anefa, dia hanan-javatra be dia be hohanina ny rehetra. Hoy ny ampanantenain’ny Baiboly: “Jehovah, Tompon’ny maro, dia hanao fanasana ho an’ny firenena rehetra (...), dia fanasana amin’ny zavatra matavy, fanasana amin’ny divay efa niotrika ela”. (Isaia 25:6). Tsy hisy tsy fahampian-tsakafo, satria hoy ny Baiboly: “Hahavoka-bary betsaka ny tany, na dia any an-tampon’ny tendrombohitra aza”. — Salamo 72:16.

Amin’izao andro izao, dia maro no mipetraka ao anaty trano tsizarizary, na miady mafy vao mahaloa ny hofan-tranony. Ny hafa tsy manan-trano ka matory eny amin’ny arabe. Araka ny Fikambanana Iraisam-pirenena Momba ny Fahasalamana, dia hatramin’ny 100 tapitrisa amin’ireo ankizy eto ambonin’ny tany no tsy manan-kialofana. Ao amin’ilay Paradisa ho avy anefa, dia hanana ny fonenany manokana ny rehetra. Hoy ny Tenin’Andriamanitra: “Hanao trano ny olona ka hitoetra ao; ary hanao tanimboaloboka ny olona ka hihinana ny vokatra aminy.” — Isaia 65:21.

Maro no misasatra manao asa tsy tiany akory. Matetika izy ireny no miasa mafy mandritra ny ora maro isan’andro, nefa kely ny karama azony. Olona tokony ho 1 ao anatin’ny 5 maneran-tany no mivelona amin’ny karama latsaka ny $500 (2 300 000 FMG) isan-taona. Kanefa, ao amin’ilay Paradisa ho avy, dia hankafy ny asany ny olona ary hahazo vokatra tsara avy aminy. Hoy ny ampanantenain’Andriamanitra: “Ireo voafidiko dia hanaram-po amin’ny asan’ny tànany. Tsy hisasatra foana izy”. — Isaia 65:22, 23.

Ankehitriny ny aretina sy ny rofy dia hita hatraiza hatraiza. Maro no jamba. Ny sasany marenina. Ny hafa koa tsy afa-mandeha. Ao amin’ny Paradisa anefa, dia ho afaka amin’ny aretina sy ny rofy ny olona. Hoy i Jehovah: “Tsy hisy amin’ny mponina ao hilaza hoe: Marary aho”. (Isaia 33:24). Raha ny amin’ireo izay efa kilemaina kosa, dia izao no fampanantenana manafana ny fo: “Dia hampahiratina ny mason’ny jamba, ary hampahaladina ny sofin’ny marenina. Dia hitsambikina tahaka ny diera ny mandringa, ary hihoby ny lelan’ny moana”. — Isaia 35:5, 6.

Amin’izao fotoana izao, dia misy fahoriana sy fanaintainana, alahelo sy fahafatesana. Ao amin’ilay Paradisa an-tany anefa, dia tsy hisy ireo zavatra rehetra ireo. Eny, na dia ny fahafatesana aza dia ho anisan’ny lasa! Hoy ny Baiboly: “Andriamanitra no hitoetra eo aminy, dia ho Andriamaniny. Ary hofafany ny ranomaso rehetra amin’ny masony; ary tsy hisy fahafatesana intsony, sady tsy hisy alahelo, na fitarainana, na fanaintainana; fa efa lasa ny zavatra taloha.” — Apokalypsy 21:3, 4.

Mazava àry fa ilay Paradisa an-tany ampanantenain’i Jehovah dia hidika ho fiainana tsara kokoa ho an’ny taranak’olombelona. Ahoana anefa no ahazoantsika antoka fa ho avy izy io? Rahoviana izy io ho avy, ary amin’ny fomba ahoana? Inona no tsy maintsy ataonao mba ho ao?

    Fitehirizam-boky Malagasy (1965-2025)
    Hiala
    Hiditra
    • Malagasy
    • Hizara
    • Firafitra
    • Copyright © 2025 Watch Tower Bible and Tract Society of Pennsylvania
    • Fifanekena
    • Fifanekena Momba ny Tsiambaratelo
    • Firafitry ny Fifanekena
    • JW.ORG
    • Hiditra
    Hizara