Fampahatsiahivana Momba ny Fahatsiarovana

Ireto manaraka ireto dia raharaha izay mila fiheverana alohan’ny hankalazana ny Fahatsiarovana amin’ny talata 2 Aprily:

◼ Ny rehetra, anisan’izany ny mpandahateny, dia tokony hampahafantarina ny amin’ny ora sy ny toerana marina ho amin’ilay fankalazana.

◼ Ilay karaza-mofo sy divay mety amin’izany dia tokony ho azo sy hatao vonona. — Jereo Ny Tilikambo Fiambenana tamin’ny 15 May 1985, pejy 17.

◼ Tokony hoentina mialoha any amin’ilay efitrano ny latabatra, ny lamban-databatra sy ny lovia ary ny vera mifanentana, ary hapetraka eo amin’ny toerany avy.

◼ Tokony ho voadio tanteraka alohan’ny fotoana ilay Efitrano Fanjakana na ilay toerana hafa hanaovana ilay fivoriana.

◼ Tokony hofantenana sy hahazo toromarika mialoha ny amin’ny fomba mety hanaovan-javatra sy ny anjara raharahany ireo mpikarakara ny mpanatrika sy mpanolotra ireo marika.

◼ Rehefa fankalazana mihoatra ny iray no voalamina hatao ao amin’ny Efitrano Fanjakana iray ihany, dia tokony hisy fifanarahana tsara eo amin’ireo kongregasiona, mba tsy hisian’ny fitangoronan’olona tsy amin’ny antony any amin’ny lalantsara, eo amin’ny fidirana sy ny sisin-dalana ary ny parking.