DVD Mirakitra Hafatra Tsy Tontan’ny Ela

Inona no hafatra raketin’ilay DVD hoe Davida: Ilay Nitoky Tamin’Andriamanitra? Tokony hitoky amin’i Jehovah toa an’i Davida isika. (Sal. 91:2) Ho afaka hanahaka azy ny ankizy sy ny olon-dehibe, rehefa mijery an’ireo lafin-javatra niavaka teo amin’ny fiainany. (Sal. 31:14) Afaka mandray soa koa isika, rehefa mampiasa an’ilay hoe “Hainao Ve?” sy ireo “Fanitaram-pahalalana” maro s amihafa, ao amin’ilay DVD.

Jereo ilay DVD, ary valio ireto fanontaniana ireto: 1) Nahoana i Jehovah no nifidy mpanjaka hafa tsara kokoa? (1 Sam. 15:10, 11; 16:1) 2) Nahoana i Jehovah no tsy nifidy ny iray tamin’ireo rahalahin’i Davida? (1 Sam. 16:6, 7) 3) Nahoana no tian’i Saoly ny nihaino an’i Davida nitendry lokanga? (1 Sam. 16:14-23) 4) Iza moa i Goliata? (1 Sam. 17:4-10) 5) Nahoana i Davida no te hiady tamin’i Goliata? (1 Sam. 17:23, 24, 36, 37) 6) Iza moa i Jonatana? (1 Sam. 14:1) 7) Oviana i Saoly no nanjary tena fahavalon’i Davida? (1 Sam. 18:25-29) 8) Nahoana i Davida no tsy namono an’i Saoly? (1 Sam. 26:7-11) 9) Ahoana no nahafaty an’i Saoly? (1 Sam. 31:1-6) 10) Inona no nataon’i Davida rehefa maty i Jonatana? (2 Sam. 1:11, 12) 11) Inona no nampanantenain’i Jehovah an’i Davida? (2 Sam. 7:12, 13, 16) 12) Inona no fahadisoana lehibe nataon’i Davida? (2 Sam. 11:1-5, 14-17) 13) Ahoana no nampisehoan’i Davida fa nanenina mafy izy tamin’ny zavatra nataony? (Sal. 51) 14) Inona no nampianarin’i Davida an’i Solomona zanany? (1 Mpanj. 2:1-4; 1 Tant. 22:6-13; 28:9, 10) 15) Inona no soa horaisin’i Davida sy Jonatana ary ianao, rehefa hanjaka i Jesosy?—Isaia 11:6-9; Jaona 11:25, 26.

Saintsaino izao hoe: Ahoana no ahafahanao manahaka ny fatokisan’i Davida an’Andriamanitra?

Ry ray aman-dreny, alenteho ao an-tsain’ny zanakareo fa tena ilaina foana ny matoky an’Andriamanitra, toa an’i Davida.—Sal. 56:11.