Fomba Fanolorana Gazety

Ny Tilikambo Fiambenana 15 Jolay

“Araka ny hevitrao, hisy fitondram-panjakana hahalamina ny olana mahazo ny olombelona ve indray andro any? [Avelao izy hamaly.] Nampianatra ny mpianany i Jesosy, mba hivavaka momba ny hahatongavan’ny fitondrana toy izany. [Vakio ny Matio 6:9, 10.] Hazavain’ity gazety ity hoe nahoana ny Fanjakan’Andriamanitra no ambony noho ny fitondran’olombelona. Resahina ato koa ny fitahiana hoentin’izy io.”

Mifohaza! Jolay

Afaka milaza toy izao amin’ny tanora ianao: “Tanora maro toa anao no mieritreritra ny hanambady. Aiza no misy torohevitra azo itokisana momba izany, araka ny hevitrao? [Avelao izy hamaly.] Mariho hoe iza no nanorina ny fanambadiana. [Vakio ny Matio 19:6.] Misy toro lalana ara-baiboly manampy antsika hanana fanambadiana sambatra ato amin’ity gazety ity.”

Ny Tilikambo Fiambenana 1 Aog.

“Tena fahita ankehitriny ny olona manambany ny hafa. Araka ny hevitrao, hiova ve izany raha maro kokoa ny olona manaraka an’ity tenin’i Jesosy ity? [Vakio ny Matio 7:12, ary avelao izy hamaly.] Resahin’ny Baiboly fa mbola hohajaina ny olona rehetra indray andro any, ary hazavaina ato amin’ity gazety ity izany.”

Mifohaza! Aog.

“Irintsika rehetra ny hahazo fitsaboana tsara. Fantatrao ve fa dokotera maro izao no misalasala hampiditra ra? [Avelao izy hamaly.] Manazava ny anton’izany ity gazety ity. Hazavainy amin’ny alalan’ny Baiboly koa hoe nahoana Andriamanitra no mihevitra ny ra ho sarobidy.” Vakio ny Levitikosy 17:11.