Fomba Fanolorana Gazety

Ny Tilikambo Fiambenana 1 Septambra

“Manao zavatra tsy mety ny olona indraindray, satria mafana fo tafahoatra amin’ny fivavahany. Nahoana izy ireo no voafitaka toy izany, araka ny hevitrao? [Avelao izy hamaly.] Mariho izay asain’ny Baiboly ataontsika. [Vakio ny 1 Jaona 4:1.] Hazavaina ato hoe nahoana no ilaina ny mampitaha ny zavatra inoantsika amin’izay lazain’ny Tenin’Andriamanitra.” Asehoy ilay lahatsoratra eo amin’ny pejy 10.

Mifohaza! Septambra

Vakio ny Matio 5:39. Izao lazaina, avy eo: “Araka ny hevitrao, te hilaza ve i Jesosy hoe tokony hiaritra fotsiny isika rehefa iharan’ny tsy rariny? [Avelao izy hamaly.] Asehon’ity lahatsoratra ity ny hevitry ny Baiboly momba ny hoe miaro tena sy ny hoe mitady fiarovana avy amin’ny lalàna.” Asehoy ilay lahatsoratra eo amin’ny pejy 10.

Ny Tilikambo Fiambenana 1 Oktobra

“Mivavaka daholo ny olona, na inona na inona finoany. Tena mandre sy mamaly an’ireny vavaka ireny ve Andriamanitra? [Avelao izy hamaly.] Mampirisika antsika hivavaka ny Baiboly. [Vakio ny Filipianina 4:6, 7.] Misy fanontaniana fito momba ny vavaka, apetraky ny olona matetika. Resahin’ity gazety ity izay lazain’ny Baiboly momba izany.”

Mifohaza! Oktobra

“Matetika isika no mandre olona nofitahin’ny vadiny na ny mpanao politika na ny olon-kafa. Araka ny hevitrao, mora ve ny mahita olona azo atokisana ankehitriny? [Avelao izy hamaly.] Maro no mahatsapa fa efa tanteraka ity andinin-teny ity. [Vakio ny 2 Timoty 3:1-5.] Hazavain’ity gazety ity hoe aiza no mbola ahitana olona azo atokisana.”