Mizara “Zavatra Tsara” Izay Tia Mandray Vahiny (Mat. 12:35a)

Azo antoka fa te ‘hiezaka ho tia mandray vahiny’ daholo isika, satria te hizara “zavatra tsara” amin’ny hafa. (Rom. 12:13) Rehefa misy mpandahateny mpitsidika, ohatra, dia ny anti-panahy no tokony handamina hoe ahoana no hanomezana ny saran-dalana sy ny sakafon’ilay mpandahateny. Mety hisalasala handray vahiny anefa isika raha tsy dia manam-bola, na mety ho menatra isika hanasa olona any an-tranontsika. Hanampy antsika ny misaintsaina ny torohevitra nomen’i Jesosy an’i Marta. (Lioka 10:39-42) Nasongadiny fa ny fiarahana sy ny fifampaherezana no “tsara kokoa”, fa tsy ny sakafo mafilotra na ny trano tsara be. Raha mampihatra an’izany isika, dia ho afaka hizara “zavatra tsara” amin’ireo rahalahintsika, mifanaraka amin’izay lazain’ny Tenin’Andriamanitra.—3 Jaona 5-8.