Hatsarao ny Fanompoanao: Mitoria Amin’ny Olona Mampiasa Fiteny Hafa

Nahoana izany no tena ilaina? Tian’i Jehovah hifandray aminy daholo ny olona avy “amin’ny firenena rehetra.” (Asa. 10:34, 35) Izany no nahatonga an’i Jesosy hilaza fa hotorina “maneran-tany” sy “amin’ny firenena rehetra” ny vaovao tsara. (Mat. 24:14) Naminany i Zakaria fa handray ny vaovao tsara ny olona “avy amin’ny fiteny rehetran’ireo firenena.” (Zak. 8:23) ‘Avy amin’ny firenena sy foko sy vahoaka ary fiteny rehetra’ koa ireo tafavoaka velona amin’ny fahoriana lehibe, araka ny fahitan’ny apostoly Jaona. (Apok. 7:9, 13, 14) Tokony hitoriantsika àry izay olona mampiasa fiteny hafa hitantsika eny amin’ny faritany.