FITEHIRIZAM-BOKIN’NY Vavolombelon'i Jehovah

FITEHIRIZAM-BOKIN’NY

Vavolombelon’i Jehovah

mwb16 Aprily p. 3
Ataovy Mahafinaritra sy Mampahery ny Teny Lazainao

Ny Fiainantsika Kristianina sy ny Fanompoana: Tari-dalana ho An’ny Fivoriana—2016

mwb16 Aprily p. 3

HARENA AVY AO AMIN’NY TENIN’ANDRIAMANITRA | JOBA 16-20

Ataovy Mahafinaritra sy Mampahery ny Teny Lazainao

Tokony hampahery ny torohevitra fa tsy vao mainka hahakivy

Nijaly be i Joba sady tena kivy, ka mba nila olona hanampy sy hampahery azy
Tsy mba nampahery an’i Joba akory ireo namany telo lahy. Vao mainka aza izy ireo nanome tsiny azy sy nanampy trotraka ny fahoriany

Vao mainka nampitaraina an’i Joba ny tenin’i Bildada

Te ho afaka tamin’ny fijaliana i Joba, dia nitaraina tamin’Andriamanitra. Nangataka ny ho faty mihitsy izy
Nieritreritra ny fitsanganana amin’ny maty foana i Joba, ka nahavita niaritra sy tsy nivadika tamin’i Jehovah

Elifaza miresaka amin’i Joba, ary i Bildada sy Zofara mijery any amin’izy roa lahy

IREO TELO LAHY NANAKIANA AN’I JOBA

Elifaza:

Mety ho avy any Temana, tanàna tany Edoma. Resahin’ny Jeremia 49:7 fa nipetraka tany Temana ireo Edomita noheverina hoe olon-kendry
Mety ho izy no zokiny indrindra sady to teny indrindra tamin’izy telo lahy. Izy no niteny voalohany. Nanao kabary intelo izy, sady ny teniny no lava indrindra

Teny mahakivy:

Nolazainy fa tsisy dikany akory ny ezaka nataon’i Joba mba tsy hivadihana tamin’Andriamanitra. Tsy matoky ny mpanompony, hono, Andriamanitra (Jb 4, 5)
Nolazainy fa ratsy toetra i Joba sady niditra tamin’ny zavatra tsy tokony ho nidirany. Tsy natahotra an’Andriamanitra koa, hono, i Joba (Jb 15)
Tia vola loatra, hono, i Joba sady nanao ny tsy rariny. Tsy misy ilan’Andriamanitra ny olombelona, hono (Jb 22)

Bildada:

Taranak’i Soaha. Mety ho teny amoron’ny Reniranon’i Eofrata ny tanàna nipetrahany
Izy no niteny faharoa. Intelo nikabary izy, ary fohy kokoa nefa manindrona kokoa noho ny an’i Elifaza ny teniny

Teny mahakivy:

Nolazainy fa nanao ratsy ny zanak’i Joba, ka tsara ho azy ireo ny loza nahazo azy. Tsy natoky an’Andriamanitra, hono, i Joba (Jb 8)
Nolazainy fa nisy fahotana nataon’i Joba (Jb 18)
Nolazainy fa tsy mampaninona an’Andriamanitra, na mivadika aminy ny olona na tsia (Jb 25)

Zofara:

Namatita izy, ary mety ho avy any amin’ny faritra avaratrandrefan’i Arabia
Izy no niteny fahatelo, saingy ny teniny no nasiaka indrindra. Indroa ihany izy no nikabary

Teny mahakivy:

Nolazainy fa nirediredy fotsiny i Joba, ary tokony hiala amin’ny zavatra ratsy fanaony (Jb 11)
Nolazainy fa ratsy toetra be i Joba sady faly erỳ rehefa nanao fahotana (Jb 20)