Tena Mino ny Fampanantenan’i Jehovah ve Ianao?

Niaiky i Josoa sy Solomona hoe tsy nisy tsy tanteraka na iray aza ny fampanantenan’i Jehovah. (Js 23:14; 1Mp 8:56) Vao mainka manatanjaka ny finoantsika ny tenin’ireo vavolombelona mendri-pitokisana ireo.—2Ko 13:1; Tit 1:2.

Ahoana no nanatanterahan’i Jehovah ny fampanantenany tamin’ny andron’i Josoa? Jereo miaraka amin’ny fianakavianao ilay video hoe ‘Tsy Nisy Tsy Tanteraka ny Fampanantenany’, ary valio ireto: 1) Ahoana no azonao anahafana ny finoan’i Rahaba? (He 11:31; Jk 2:24-26) 2) Nahoana ny zavatra nataon’i Akana no manaporofo hoe hahita loza izay manao fanahy iniana tsy mankatò? 3) Mpiady mahery ny Gibeonita, nefa nahoana izy ireo no namitaka an’i Josoa ary naniry hihavana tamin’ny Israely? 4) Inona no mampiseho hoe tanteraka ny tenin’i Jehovah rehefa nisy mpanjaka amorita dimy nandrahona ny Israely? (Js 10:5-14) 5) Ahoana no nanampian’i Jehovah anao rehefa nanao loha laharana ny Fanjakany sy ny fahamarinany ianao?—Mt 6:33.

Vao mainka isika hino ny fampanantenan’i Jehovah rehefa misaintsaina ny zava-drehetra efa nataony sy ataony ary mbola hataony.—Ro 8:31, 32.