HARENA AVY AO AMIN’NY TENIN’ANDRIAMANITRA | EKSODOSY 10-11

Tena Be Herim-po i Mosesy sy Arona

10:3-6, 24-26, 28; 11:4-8

Tena be herim-po i Mosesy sy Arona rehefa niresaka tamin’i Farao. I Farao mantsy no manam-pahefana ambony indrindra teto an-tany tamin’izany. Nahoana izy mirahalahy no nahavita niresaka taminy? Hoy ny Baiboly momba an’i Mosesy: “Finoana, fa tsy tahotra ny fahatezeran’ny mpanjaka, no nandaozany an’i Ejipta, satria tsy azo nohozongozonina mihitsy izy, toy ny mahita an’Ilay tsy hita.” (He 11:27) Tena nino an’i Jehovah i Mosesy sy Arona sady niantehitra taminy.

Mila herim-po isika rehefa miresaka ny finoantsika amin’ny olona manana fahefana. Rahoviana izany no mety hitranga?

Sary mampiseho hoe rahoviana isika no mila herim-po: 1. Ankizilahy iray mijoro tsara fotsiny mandritra ny hiram-pirenena ao an-dakilasy. 2. Rahalahy iray mitsangana eo anoloan’ny mpitsara. 3. Rahalahy tanora iray manolotra taratasy mivalona, ary misy polisy manara-maso eo akaiky eo.