Sarobidy Aminao ve ny Fifandraisanao Amin’i Jehovah?

Manana tombontsoa be isika Vavolombelon’i Jehovah. Nitaona antsika hanatona azy tamin’ny alalan’ny Zanany i Jehovah, ilay Tompo Fara Tampony. (Jn 6:44) Mihaino ny vavaka ataontsika koa izy. (Sl 34:15) Afaka manatsara ny fifandraisantsika aminy foana isika, satria efa nanokan-tena sy vita batisa.

Ahoana no hiarovantsika an’izany fifandraisana sarobidy izany? Tsy tokony hanahaka ny Israelita isika. Nanao fifanekena tamin’i Jehovah izy ireo, nefa tsy ela taorian’izay dia nanamboatra zanak’omby volamena ary nanompo sampy. (Ek 32:7, 8; 1Ko 10:7, 11, 14) Saintsaino àry hoe: ‘Inona no ataoko rehefa misy fakam-panahy? Hita amin’ny zavatra ataoko ve hoe sarobidy amiko ny fifandraisako amin’i Jehovah?’ Raha tena tia an’ilay Raintsika any an-danitra isika, dia handositra an’izay zavatra halany.—Sl 97:10.

JEREO ILAY VIDEO HOE AROVY NY FIFANDRAISANAO AMIN’I JEHOVAH (KL 3:5), ARY VALIO IRETO:

• Inona no atao hoe fitsiriritana?

• Nahoana isika no tsy tokony hitsiriritra na hanompo sampy?

• Inona no ifandraisan’ny fijangajangana sy ny fanompoan-tsampy?

• Nahoana ireo rahalahy manana andraikitra no tena tokony hikarakara an’izay ilain’ny vadiny?