Ry Tanora, i Jehovah ve no Namanareo Akaiky Indrindra?

Inona no toetra tianao hananan’ny namanao? Tianao angamba raha tsy mivadika aminao izy, tsara fanahy, ary tia manome. Manana an’ireo toetra rehetra ireo i Jehovah. (Ek 34:6; As 14:17) Mihaino izy rehefa mivavaka aminy ianao. Eo foana izy rehefa mila fanampiana ianao. (Sl 18:19, 35) Mamela ny fahadisoanao koa izy. (1Jn 1:9) Aiza indray ianao no hahita Namana tsara hoatr’izany?

Inona no azonao atao raha te ho naman’i Jehovah ianao? Vakio ny Teniny mba hahafantaranao azy. Resaho aminy izay ao am-ponao. (Sl 62:8; 142:2) Asehoy hoe zava-dehibe aminao izay zava-dehibe aminy, ohatra hoe ny Zanany, ilay Fanjakany, ary ny fampanantenany momba ny hoavy. Resaho amin’ny hafa ny momba azy. (De 32:3) Raha miezaka ny hifandray akaiky amin’i Jehovah ianao, dia ho Namanao mandrakizay izy.—Sl 73:25, 26, 28.

JEREO ILAY VIDEO HOE RY TANORA,“ANDRAMO KA JEREO FA TSARA I JEHOVAH.” VALIO IRETO AVY EO:

• 

  Inona no azonao atao mba ho vonona hanokan-tena sy hatao batisa ianao?

• 

  Inona no azon’ny hafa atao mba hanampiana anao hanompo an’i Jehovah?

• 

  Nahoana ny fanompoana no manampy anao hifandray kokoa amin’i Jehovah?

• 

  Inona avy ny karazana fanompoana azonao atao?

• Inona no tena itiavanao an’i Jehovah?