Miezaha Foana Haneho Fitiavana ao An-tokantrano

Ny fitiavana no mampifandray tsara ny mpianakavy. Lasa sarotra amin’izy ireo ny miray saina sy miara-miasa foana, raha tsy eo ny fitiavana. Ahoana no azon’ny mpivady sy ny ray aman-dreny anehoana fitiavana ao an-tokantrano?

Raha be fitiavana ny lehilahy iray, dia ho zava-dehibe aminy ny zavatra ilain’ny vadiny sy ny heviny ary ny fihetseham-pony. (Ef 5:28, 29) Hanome izay ilain’ny fianakaviany eo amin’ny lafiny ara-nofo sy ara-panahy izy, anisan’izany ny Fotoam-pivavahan’ny Fianakaviana tsy tapaka. (1Ti 5:8) Raha be fitiavana ny vehivavy iray, dia hanaiky ny fahefan’ny vadiny izy sady “hanaja fatratra” azy. (Ef 5:22, 33; 1Pe 3:1-6) Tokony ho vonona hifamela heloka koa izy mivady. (Ef 4:32) Raha be fitiavana ny ray aman-dreny, dia hiahy ny zanany tsirairay sady hampianatra azy ho tia an’i Jehovah. (De 6:6, 7; Ef 6:4) Inona, ohatra, ny olana atrehiny any am-pianarana? Ahoana no iatrehany ny fitaoman’ny namana? Raha mifankatia ny mpianakavy, dia hahatsiaro ho voaro sy tsy hanana ahiahy izy ireo.

JEREO ILAY VIDEO HOE MIEZAHA FOANA HANEHO FITIAVANA AO AN-TOKANTRANO. VALIO IRETO AVY EO:

• 

  Raha be fitiavana ny lehilahy iray, ahoana no ampisehoany hoe manome izay ilain’ny vadiny izy sady tena tia azy?

• 

  Raha be fitiavana ny vehivavy iray, ahoana no ampisehoany hoe manaja fatratra ny vadiny izy?

• 

  Raha be fitiavana ny ray aman-dreny, inona no azon’izy ireo atao mba hilentika tsikelikely ao an-tsain’ny zanany ny Tenin’Andriamanitra?