NY FIAINANTSIKA KRISTIANINA
Miasa Mafy ho Antsika Izy Ireo
Tia sy mahafoy tena ho an’ny fiangonana ny mpiandraikitra ny faritra sy ny vadiny. Hoatr’antsika ihany ry zareo, dia manana ny zavatra ilainy manokana ary indraindray izy ireo reraka, kivy, ary miady saina. (Jk 5:17) Na izany aza, dia mifantoka amin’ny fomba hampaherezana an’ireo rahalahy sy anabavy tsidihiny izy ireo. Tena “mendrika hahazo fanajana avo roa heny” ny mpiandraikitra ny faritra.—1Ti 5:17.
Niomana hitsidika ny fiangonana tany Roma i Paoly mba “hizara fanomezana ara-panahy” ho an’ny Kristianina tany. Tsy andriny koa anefa ny “hifampahery” tamin’izy ireo. (Ro 1:11, 12) Efa nieritreritra ve ianao hoe inona no azonao atao mba hampaherezana ny mpiandraikitra ny faritra sy ny vadiny, raha manambady izy?
JEREO ILAY VIDEO HOE NY FIAINAN’NY MPIANDRAIKITRA NY FARITRA REHEFA MITSIDIKA TOERANA MITOKANA. VALIO IRETO AVY EO:
Ahoana no ahitana hoe tia sy mahafoy tena ho an’ny fiangonana ny mpiandraikitra ny faritra sy ny vadiny?
Inona no soa noraisinao avy amin’ny ezaka nataon-dry zareo?
Inona no azontsika atao mba hampaherezana an-dry zareo?