Ampiasao Tsara ny Fanondroana Andininy Hafa

Manome anao andininy hafa misy tsipiriany fanampiny ny fanondroana andininy hafa ao amin’ny Soratra Masina​—Fandikan-tenin’ny Tontolo Vaovao. Manampy antsika izy ireny mba hahita hoe mifanaraka tsara ny hevitra ao amin’ny Baiboly. Mba hahitanao ny fanondroana andininy hafa, dia jereo ny litera kely ao aorian’ireo teny ao amin’ilay andininy. Raha mampiasa Baiboly vita pirinty ianao, dia jereo eo amin’ilay tsanganana eo afovoany ilay litera. Raha mampiasa jw.org na JW Library^® kosa ianao, dia tsindrio ilay litera kely mba hivoaka ny andininy hafa.

Ireto avy no mety ho hitanao ao amin’ireo andininy hafa ireo:

Tantara mifanitsy: Ilay fitantarana io ihany fa aseho any amin’ny toko sy andininy hafa. Jereo, ohatra, ny 2 Samoela 24:1 sy ny 1 Tantara 21:1.

Teny nalaina: Andinin-teny nakana teny. Jereo, ohatra, ny Matio 4:4 sy ny Deoteronomia 8:3.

Faminaniana tanteraka: Andinin-teny ahitana faminaniana sy ny fahatanterahany. Jereo, ohatra, ny Matio 21:5 sy ny Zakaria 9:9.