Manaiky Hotsaboina ve Ianareo?

Ie. Manaiky hotsaboina ny Vavolombelon’i Jehovah. Mila manatona “dokotera” izahay indraindray, na dia miezaka mitandro fahasalamana aza. (Lioka 5:31) Dokotera mihitsy aza ny Vavolombelon’i Jehovah sasany, toa an’i Lioka, Kristianina tamin’ny taonjato voalohany.—Kolosianina 4:14.

Tsy mety aminay anefa ny karazana fitsaboana sasany, satria tsy mifanaraka amin’ny toro lalan’ny Baiboly. Tsy manaiky hampidiran-dra, ohatra, izahay, satria milaza ny Baiboly fa tokony hofadina ny ra, izany hoe tsy tokony hohanina na hampidirina ao amin’ny vatana. (Asan’ny Apostoly 15:20) Raran’ny Baiboly koa ny fitsaboana misy ifandraisany amin’ny asan’ny maizina.—Galatianina 5:19-21.

Mifanaraka amin’ny toro lalan’ny Baiboly anefa ny ankamaroan’ny fitsaboana, ka anjaran’ny tsirairay ny mifidy izay tiany. Misy karazana fitsaboana mety heken’ny Vavolombelona iray àry, fa tsy heken’ny hafa.—Galatianina 6:5.