Misy Vehivavy Mitory Teny ve ao Aminareo?

Eny. Mpitory daholo ny Vavolombelon’i Jehovah rehetra, anisan’izany ny vehivavy an-tapitrisany. Efa voalazan’ny Baiboly hoe ho “tafika lehibe ny vehivavy manambara ny vaovao tsara.”—Salamo 68:11.

Manahaka an’ireo vehivavy resahin’ny Baiboly ny vehivavy Vavolombelon’i Jehovah. (Ohabolana 31:10-31) Tsy mitondra ny fiangonana izy ireo. Mazoto mitory anefa izy ireo, ary mampianatra Baiboly an’ireo zanany. (Ohabolana 1:8) Miezaka mafy izy ireo mba handrisika ny olona hanao ny tsara, tsy amin’izay lazainy ihany, fa amin’ny ataony koa.—Titosy 2:3-5.