FITEHIRIZAM-BOKIN’NY Vavolombelon'i Jehovah
FITEHIRIZAM-BOKIN’NY
Vavolombelon’i Jehovah
Malagasy
  • BAIBOLY
  • ZAVATRA MISY
  • FIVORIANA
  • ijwyp lahatsoratra 82
  • Ahoana no Handaminako ny Fotoanako?

Tsy misy video mifandray amin’io.

Miala tsiny fa tsy mety miseho ilay video.

  • Ahoana no Handaminako ny Fotoanako?
  • Manontany ny Tanora
  • Lohatenikely
  • Mitovitovy Aminy
  • Nahoana ianao no mila mandamina ny fotoananao?
  • Inona no azonao atao?
  • Ny Fangatahana Andro Lava — Ilay Mpangalatra Fotoana
    Mifohaza!—1995
  • Fomba 20 Andaminana Fotoana
    Mifohaza!—2010
  • Ahoana no Andaminako Fotoana?
    Manontany ny Tanora—Torohevitra Mahasoa, Boky Voalohany
  • Ahoana no Andaminako ny Fotoanako?
    Mifohaza!—2009
Hijery Hafa
Manontany ny Tanora
ijwyp lahatsoratra 82
Tanora iray kivy be satria tsy mahay mandamina ny fotoanany: Nilaozany nilalao baolina sy nijery tele vao nanao ny devoarany

MANONTANY NY TANORA

Ahoana no Handaminako ny Fotoanako?

  • Nahoana ianao no mila mandamina ny fotoananao?

  • Inona no azonao atao?

  • Ny hevitry ny tanora toa anao

Nahoana ianao no mila mandamina ny fotoananao?

  • Sarobidy ny fotoana. Raha lanilaninao fotsiny izy io, dia tsy hanana intsony ianao rehefa tena mila azy. Raha hainao kosa ny mandamina azy, dia hahavita an’izay zava-dehibe ianao sady mbola hanam-potoana hanaovana zavatra hafa.

    Toro lalan’ny Baiboly: “Maro ny fanirian’ny kamo, nefa tsy manana na inona na inona izy. Tsy hanan-java-mahory kosa ny mazoto.”—Ohabolana 13:4.

    Tadidio izao: Betsaka kokoa ny zavatra azonao atao raha mahay mandamina fotoana ianao.

  • Tsy ho sahirana ianao rehefa lehibe, raha izao dia efa mahay mandamina fotoana. Tsy hatahorana ho voaroaka amin’ny asanao, ohatra, ianao. Eritrereto hoe tompona orinasa ianao. Iza no hotazoninao: Ny olona tara lava sa ny olona manaja fotoana?

    Toro lalan’ny Baiboly: “Izay mendri-pitokisana amin-javatra madinika dia mendri-pitokisana koa amin’ny zava-dehibe.”—Lioka 16:10.

    Tadidio izao: Anisan’ny itsaran’ny olona anao ny fahaizanao mandamina fotoana.

Tsy mora anefa ny mandamina fotoana. Inona no mety ho olana?

Olana #1: Namana

“Manaiky hiaraka amin’ny namako foana aho matetika, na dia misy zavatra tokony hataoko aza. Hozy aho hoe ‘vetivety no hanaovako an’io rehefa tafaverina aho.’ Tsy vitako akory anefa ilay izy indraindray, dia tsisy mandeha amin’izay laoniny ny zava-drehetra avy eo.”—Cynthia.

Olana #2: Fialam-boly

“Hoatran’ireny misy lakaoly ireny ny sezanao rehefa mijery tele ianao. Variana eo ianao rehefa misy fandaharana na filma tsara be.”—Ivy.

“Efa ho adiny zato aho indraindray no eo amin’ny tablette-ko. Lany mihitsy ny bateria vao tafala eo aho, dia menatra be aho avy eo.”—Marie.

Olana #3: Mangataka andro

“Mangataka andro foana aho rehefa hoe hanao devoara na zavatra hafa. Efa am-poto-moty aho vao manao an’ilay izy, satria ilaozako manao zavatra tsisy dikany. Hita mihitsy hoe tsy mahay mandamina fotoana e!”—Beth.

Tanora iray falifaly fa mahay mandamina ny fotoanany: Nijery ny fandaharam-potoanany aloha izy, nanao ny devoarany, ary avy eo mbola nanam-potoana nilalaovana baolina

Betsaka kokoa ny zavatra azonao atao, raha mahay mandamina fotoana ianao

Inona no azonao atao?

  1. Ataovy lisitra ny zavatra mila ataonao. Ohatra hoe ny raharaha ao an-trano na ny devoara. Soraty koa hoe adiny firy eo ho eo isan-kerinandro no ilainao mba hanaovana an’ilay izy.

    Toro lalan’ny Baiboly: ‘Fantaro tsara izay zava-dehibe kokoa.’—Filipianina 1:10.

  2. Ataovy lisitra koa ny fialam-boly tianao hatao. Ohatra hoe mijery tele na miresaka amin’ny namana ao amin’ny Internet. Soraty koa hoe adiny firy isan-kerinandro no laninao anaovana an’izany.

    Toro lalan’ny Baiboly: “Mitondrà tena amim-pahendrena foana ... ka mahaiza manararaotra fotoana.”—Kolosianina 4:5.

  3. Manaova fandaharam-potoana. Jereo indray ilay lisitra anankiroa avy eo. Ampy ve ny fotoana hanaovanao an’izay tena zava-dehibe? Sa mila akana ny fotoana hanaovanao fialam-boly?

    Soso-kevitra: Ataovy lisitra izay zavatra tokony hataonao ao anatin’ny andro iray. Asio marika izay vitanao.

    Toro lalan’ny Baiboly: “Ahazoan-tombony ny fandaminana mialoha ataon’ny mazoto.”—Ohabolana 21:5.

  4. Araho foana ilay fandaharam-potoana. Mety hoe tsy maintsy mandà fanasana ianao indraindray mba hahavitana an’izany. Ho hitanao anefa hoe malalaka kokoa ny fotoananao rehefa manana fandaharam-potoana ianao. Vao mainka hankafizinao ny fotoana ialanao voly amin’izay.

    Toro lalan’ny Baiboly: “Aza malaina amin’izay ataonareo.”—Romanina 12:11.

  5. Vitao daholo izay tokony hatao vao miala voly. Hoy i Tara: “Ataoko lisitra izay zavatra hataoko mandritra ny andro. Vao mahavita anankiroa anefa aho indraindray dia efa te haka aina. Hozy aho hoe: ‘Aleo rangahy izaho mba hijery tele kely aloha mandritra ny fahefatr’adiny a!’ Variana eo anefa aho, dia lasa ny antsasak’adiny, dia avy eo adiny iray. Tsy hitahitako akory dia efa adiny roa aho no teo!”

    Inona no vahaolana? Aza miala voly raha tsy efa vitanao daholo izay tokony hataonao. Tsy voatery hoe hiala voly foana mantsy ianao isan’andro.

    Toro lalan’ny Baiboly: “Tsy misy mahasoa ny olona mihoatra noho ny ... mifaly noho ny asa mafy ataony.”—Mpitoriteny 2:24.

Ny hevitry ny tanora toa anao

Cheyenne

“Manao fandaharam-potoana aho, amin’izay hitako hoe inona avy no tokony hataoko. Na ny fotoana hialana voly koa aza soratako ao. Hitako amin’izay hoe rahoviana aho no mila hentitra, dia rahoviana no afaka milefitra.”—Cheyenne.

Samuel

“Niezaka nanda aho rehefa hitako fa tsy ho vitako ny zavatra asaina ataoko. Tsy mora aloha ilay mandà e, fa hazavaiko tsara fotsiny ny antony. Tsy tezitra ry zareo rehefa fantany hoe mety tsy ho vitako tsara ilay izy satria efa be atao aho.”—Samuel.

Brooklyn

“Nisy fotoana aho tena repotra be dia naleoko niari-tory, na tsy nanao fanatanjahan-tena kely aloha. Mahavita zavatra betsaka kokoa anefa aho rehefa ampy torimaso sy manao fanatanjahan-tena. Falifaly koa aho ny ampitson’iny. Tena ilaina ny mitandrina ny fahasalamana.”—Brooklyn.

    Fitehirizam-boky Malagasy (1965-2025)
    Hiala
    Hiditra
    • Malagasy
    • Hizara
    • Firafitra
    • Copyright © 2025 Watch Tower Bible and Tract Society of Pennsylvania
    • Fifanekena
    • Fifanekena Momba ny Tsiambaratelo
    • Firafitry ny Fifanekena
    • JW.ORG
    • Hiditra
    Hizara