Fanamarihana Ambany Pejy

a Teto Frantsa, dia nivoatra ho fitenim-paritra roa ny fiteny latina nolovana avy tamin’ireo tafika romana, nantsoina hoe fiteny romana: Nampiasa ny fiteny langue d’oc (fantatra koa hoe occitan, na provençal) ny tany atsimon’i Frantsa, fa ny tany avaratr’i Frantsa kosa nampiasa ny fiteny langue d’oïl (endriny iray tany am-boalohany nisehoan’ny fiteny frantsay, nantsoina indraindray hoe fiteny frantsay tranainy). Ny teny nampiasain’ireo fiteny roa ireo nilazana ny hoe eny, no tsy nampitovy azy ireo. Tany atsimo dia hoe oc (avy tamin’ny teny latina hoe hoc) ilay izy; tany avaratra dia hoe oïl (avy tamin’ny teny latina hoe hoc ille), izay nanjary ilay hoe oui, ampiasain’ny Frantsay ankehitriny.