Fanamarihana Ambany Pejy

c Ny ohatra ara-pitsarana natambatr’i Mosesy tao amin’ny Lalàna raha ny amin’ny fomba fanonerana rehefa misy fandikan-dalàna — “aina solon’aina, maso solon’ny maso, nify solon’ny nify” — dia manome taratry ny fotopoto-pitsipika lehibe nampiharin’ny tenan’Andriamanitra, rehefa nandamina ny raharaha momba ny famonjena ny olona izy. (Deoteronomia 19:21). I Adama, lehilahy iray tanteraka, dia nanjary tompon’andraikitra tamin’ny fanamelohana nahazo ny taranak’olombelona, noho izany dia nilaina ny lehilahy tanteraka hafa iray mba hanonitra izany fahaverezana izany amin’ny fanolorany ny ainy. Amin’izany fomba izany, ny fahafatesany dia hanonitra tanteraka ny fahotan’i Adama sy ny vokany teo amin’ny olombelona. Ny fahatongavan’ilay “taranaka” nampanantenaina ihany, izay hanolotra ny ainy ho avotra ara-dalàna, no afaka hitondra amin’ny fomba feno ny fanafahana toy izany. (Genesisy 3:15, JP). Raha mila fanazavana feno kokoa ny amin’io anjara asan’ilay Taranaka io ao amin’ny fikasan’Andriamanitra, dia jereo ny fizarana “Iza no Hitarika Ireo Firenena ho Amin’ny Fandriampahalemana?”, fehintsoratra faha-17 ka hatramin’ny faha-20.