Fanamarihana Ambany Pejy

d Ny fanazavana iray miely eken’ny Jodaisma amin’izao andro izao dia ny hoe naminany fanavaozana na fanamafisana ny faneken’ny Lalàna tamin’ny Isiraelita fotsiny i Jeremia, toy izay niseho taorian’ny fiverenan’izy ireo avy tany amin’ny fahababoana tany Babylona tamin’ny 537 al.f.i. (Ezra 10:1-14). Nefa eto koa, dia lavin’ilay faminaniana ny fanazavana toy izany. Nambaran’Andriamanitra mazava fa izy io dia ho “fanekena vaovao”, fa tsy fanekena nohavaozina fotsiny. Ambonin’izany, dia manantitrantitra izy fa izy io dia tsy sahala amin’ilay fanekena natao rehefa nitondra azy ireo nivoaka avy tamin’ny fanandevozana tany Egypta izy. Ny sasany nilaza fa “vaovao” izy io amin’ny heviny hoe izao dia hitandrina amim-pahatokiana an’io fanekena io ihany izy ireo, nefa asehon’ny tantara fa ny mifanohitra amin’izany no nitranga. Raha ny marina, ny tsy fananan’izy ireo fahatokiana dia nitarika ny fandravana ny tempoly faharoa. — Deoteronomia 18:19; 28:45-48.