Fanamarihana Ambany Pejy

k Adika fotsiny hoe ‘mifidy amin’ny alalan’ny tsangan-tanana’ indraindray ilay matoanteny grika hoe khei·ro·to·neʹo. Tsy mihevitra ny dikany hafa tatỳ aoriana izany. Mamaritra azy io toy izao àry ny Diksionera Grika-Anglisy nataon’i Liddell sy Scott (namboarin’i Jones sy McKenzie sy natao pirinty indray tamin’ny 1968): “Manangan-tanana mba hilaza hevitra mandritra ny fivoriana ... [manasongadina an’ilay olona] mifidy tsara amin’ny tsangan-tanana ... nefa tatỳ aoriana lasa hoe manendry, ... manome andraikitra eo anivon’ny Fiangonana [pre·sby·teʹrous] As. Ap. [Asan’ny Apostoly] 14.23.” Io dikany tatỳ aoriana io no fampiasan’ny apostoly. Nampiasain’i Josèphe, mpahay tantara jiosy, tamin’izany dikany izany ilay teny, ao amin’ilay bokiny hoe Rakitry ny Ela Jiosy (anglisy), Boky Faha-6, toko 4, fehintsoratra 2, ary toko 13, fehintsoratra 9. Ny rafitr’ilay fehezanteny ao amin’ny Asan’ny Apostoly 14:23, tamin’ny teny grika tany am-boalohany mihitsy, dia efa milaza fa nanao ilay zavatra voalaza ao i Paoly sy Barnabasy.