Fanamarihana Ambany Pejy

a Tsy maintsy nandinika an’io anton-javatra ny amin’ny fahefana io ny Kristianina sasany miasa any amin’ny hopitaly. Mety hanana fahefana handidy ny hampiasana fanafody na fomba fitsaboana amin’ny marary iray, ny mpitsabo iray. Na dia tsy manohitra fampidiran-dra na fanalana zaza aza ny marary iray, ahoana moa no ahafahan’ny dokotera kristianina iray handidy ny hanaovana izany, kanefa fantany izay lazain’ny Baiboly momba izany zavatra izany? Mifanohitra amin’izany, fa mety tsy hanana izany fahefana izany ny mpitsabo mpanampy iray miasa ao amin’ny hopitaly. Eo am-panatanterahany ny asany mahazatra, dia mety hasain’ny dokotera manao fitsirihana ra noho ny zava-kendrena iray izy, na asain’ny dokotera mikarakara ny marary iray izay tonga mba hanala zaza. Mifanaraka amin’ilay ohatra voarakitra an-tsoratra ao amin’ny 2 Mpanjaka 5:17-19, dia mety hanatsoaka hevitra izy fa satria tsy izy ilay manana fahefana hibaiko hanao fampidiran-dra, na hanao fanalana zaza, dia afaka manao asa fanampiana ho an’ny marary iray izy. Mazava ho azy, fa mbola tsy maintsy mandinika ny feon’ny fieritreretany ihany izy, mba ‘hanompoany an’Andriamanitra amin’ny fananana fieritreretana tsara’. — Asan’ny Apostoly 23:1.