Mba Andramo Izao

Ianaro Tsianjery ny Hirantsika

“Rehefa kivikivy aho, dia ny hira ao amin’ny Tele JW no ampaherezan’i Jehovah ahy.” ​—Lorraine, Etazonia.

Efa hatramin’izay ny Kristianina no nanao “hira masina” rehefa manompo an’Andriamanitra. (Kol. 3:16) Raha mianatra azy ireny tsianjery ianao, dia hanampy anao izany na dia tsy manana fihirana na fitaovana elektronika aza ianao. Andramo àry izao:

• Vakio tsara ny tonony mba ho azonao ny tiany holazaina. Mora kokoa ny mitadidy zavatra iray azonao tsara. Ao amin’ny jw.org ny tonon’ny hirantsika rehetra, anisan’izany ny hira ho an’ny ankizy. Midira ao amin’ny Zavatra Misy, dia avy eo Mozika.

• Soraty amin’ny taratasy ny tonony. Vao mainka hiraikitra ao an-tsainao ilay izy amin’izay.​—Deot. 17:18.

• Hirao amin’ny feo avo ilay hira. Vakio imbetsaka ilay tonony, na averimbereno hiraina.

• Jereo raha tadidinao ilay izy na tsia. Aza mijery soratra fa iezaho tadidina ny tonony, dia jereo hoe aiza no hadinonao.