I Pergamosy, tany Mysia, no renivohitr’i Azia tamin’ny voalohany, fa lasa i Efesosy, tany atsimo kokoa, kosa izany nandritra ny fitondran’i Aogosto. Ny Antenimieran-doholona no nifehy ny faritanin’i Azia, tamin’ny taona 27 T.K., ka ny governoram-paritra no nitondra tao. (As 19:38) Nizara ho faritra 9 io faritany io, ary ireo indray nizara ho tanàna 44.

Anisan’ny tanànan’ny faritanin’i Azia resahin’ny Soratra Masina koa i Kolosia, Hierapolia, Adramytena, ary Aso.