Hira 80

Aoka Isika Handeha Amin’ny Anaran’Andriamanitsika

(Mika 4:5)

1. Jehovah, Mpanjaka sy Tomponay,

Derainay ianao, satria tia anay.

Ny fahotanay dia navelanao.

Safidinay ny manompo anao.

2. Ny fahavalonay dia mirehareha

Noho ’reo sampiny tena maro be.

’Zahay kosa dia hanompo anao

Sy handeha amin’ny anaranao.

3. Avy ao Betlehema ’lay Mpanjaka

Sy Mpiandry mahery, Mpanavotra.

’Reo voahosotrao dia namerina

Ny fanompoana anao, ry Jehovah.

4. Ialao ny ady sy fifandirana.

’Ndao hiara-manompo an’i Jehovah.

Isika rehetra dia tafaray,

Ka hanompo azy mandrakizay.