Hira 137

Efa Akaiky ny Fotoana Voatondro

(Habakoka 2:3)

1. Jehovah, Ray Masina,

Vatolampy ianao.

Efa manakaiky ’zao

Ny andro fitsaranao,

Na somary ela aza,

Tsy ho diso aoriana. Ny

Farany andrasanay

Dia azo antoka.

2. Tsy ho ela dia hiseho

Ny voninahitrao.

Ny fivavahana madio,

Efa naverinao.

Manaratsy ’reo tsy tia,

Manohitra anay, fa

Tonga izao ny fotoana

Hamonjenao anay.

3. Tompo Fara Tampony

Ianao, ry Jehovah.

Hahita ny herinao

Ny tany rehetra.

Notendrenao hanjaka

I Jesosy Kristy, ka

Ilay Fanjakanao no

Hitondra ny tany.

4. Asandratray ny feonay

Hidera anao, ry Ray.

Ianao sy ny Zanakao

No hamonjy anay.

’Lay fotoana voatondro,

Efa akaiky ’zao; ka

Andrandrainay fatratra

Ilay fandresenao.