Hira 152
Ankasitrahantsika ny Fangoraham-pon’Andriamanitra
1. Tsy ho takatry ny saina
Ny fahaizan’i Jehovah.
Lehibe ny fahendreny,
Ka tsy hay fantarina.
Iza no nanolo-tsaina
Sy nampianatra azy?
Iza no nanome azy,
Ka tsy maintsy valiany?
2. Hoderaintsika Jehovah
Noho ny fangoraham-pony.
Aok’ isika hanolo-tena
Mba hanao ’zay sitrany.
Ilay voady nataontsika
Dia hajaintsika foana.
Ny saintsika manontolo,
Hanompoantsika an’i Jah.
3. Koa havaozy ny toe-tsaina,
Aok’ isika hanetry tena.
Avelao ny fanao ratsy,
Hatanjaho ny finoana.
Mivavaha mandrakariva,
Ka araho ny marina.
Raha mifankatia isika,
Hahita fiadanana.