Hira 213

Miaraha Miasa Amim-piraisan-tsaina

(Efesianina 4:3)

1. Tena miray saina isika,

Ka mahita fiadanana.

Tsy hiasa ’rery ’sika,

Fa mila ny hafa.

Tena hotahina

’Zay miray saina.

Misy manan-talenta ve?

Aok’ izy tsy hirehareha,

Fa hanetry tena kosa.

Derao i Jehovah.

2. Feno fifankahalana

Ny tontolon’i Satana,

Fa ’sika hitandro foana

Ny fihavanana.

Mahasoa antsika

Ny miray saina.

Koa satria mpanota isika,

Mety tsy hifanaraka.

Halaviro ny lolompo,

Mifandamìna aloha.

3. Hiara-miasa tsara isika,

Hiaro ny firaisan-tsaina.

Tena mahafaly ’zany,

Tandrovy hatrany.

Ny firaisan-tsaina

Dia sarobidy.

Handray valisoa isika,

Ho sakaizan’i Jehovah,

Ka hitoetra amintsika

Ny fiadanana.