Hira 95
Vokatry ny Fanahy ny Hatsaran-toetra
1. Jehovah Mpanjaka, Ray mandrakizay,
Tsara toetra ianao, manao soa ho anay.
Mamindra fo ianao, nomenao Kristy,
Mba hibebaka ’reo ’zay nanao ratsy.
2. Ianao tsara toetra, nanampy anay;
Babylona Lehibe efa nialanay.
Nasehonao anay ny hazavana,
Hitanay izao ny fahamarinana.
3. Ny hatsaran-toetra hasehontsika,
Satria vokatry ny fanahy masina.
Miezaha mba hanome ho an’ny hafa,
Matokia hatrany an’i Jehovah.
4. Raha tena tianao ny ho tsara toetra,
Manompoa, mianara, ary mivavaha.
Manatreha hatrany ’reo fivoriana.
Hampiavaka anao ny hatsaran-toetra.