Hira 96
Omeo Voninahitra i Jehovah Raintsika
1. Jehovah ô, midera anao
Ny voary eran-tany.
Nataonao ’zao rehetra izao,
Sitraponao izany.
Avy aminao ’reo zava-tsoa
Mbamin’ny fitahiana.
Samy tanteraka avokoa
Ireo faminaniana.
Tsara fanahy ianao, ry Ray,
Nandefa ny Zanakao,
Izay nanavotra anay;
Ka hoderainay ianao.
2. ’Lay asa nanirahanao
Dia vitan’i Jesosy.
Mandray soa ’zao tontolo izao,
Satria nahatoky izy.
Efa Mpanjaka izy ’zao,
Manaiky anao hatrany;
Torina ny anaranao
Manerana ny tany.
Faly ’zahay vahoakanao
Manao ny fitoriana.
Tsy ho ela dia hesorinao
Ireo fijaliana.
3. Koa hankalaza anao ’zahay,
Sy hampifaly anao.
Ny fiainanay atolotray
Mba hanompoanay anao.
Hajainay ny anaranao,
Ny asanao ataonay;
Ka ny fitiavanay anao
Tsy hihena mandrakizay.
Ny fonay sy ny herinay
No ideranay anao.
Ho voninahitrao, ry Ray,
Torinay ny anaranao.