“Mahita olona mahay ny asany ve ianao? Eo anatrehan’ny mpanjaka no ijoroany, fa tsy hijoro eo anatrehan’ny olon-tsotra izy.”

Ohabolana 22:29

“Aoka ny mpangalatra tsy hangalatra intsony, fa aoka kosa izy hiasa mafy, ka hampiasa ny tanany hanaovana asa tsara, mba hanan-javatra hozaraina amin’izay sahirana.”

Efesianina 4:28

“Tokony hihinana sy hisotro ary hifaly noho ny asa mafy nisasarany ny olona rehetra. Fanomezana avy amin’Andriamanitra izany.”

Mpitoriteny 3:13

“Hahantra izay tia fahafinaretana, ary tsy hanan-karena izay tia divay sy menaka.”

Ohabolana 21:17

“Izay misambo-bola dia mpanompon’ilay mampisambotra.”

Ohabolana 22:7

“Iza aminareo ... no te hanorina tilikambo nefa tsy mipetraka aloha manao kajy ny amin’izay ho lany, mba hahitana raha manana ny ampy hamitana azy izy, na tsia? Raha tsy manao izany izy, dia mety hametraka ny fototra nefa tsy ho afaka hamita an’ilay tilikambo. Ary mety haneso azy izay rehetra mahita, ka hanao hoe: ‘Io lehilahy io nanomboka nanorina tilikambo, nefa tsy nahavita.’ ”

Lioka 14:28-30

“Rehefa voky ny olona, dia hoy izy tamin’ny mpianany: ‘Angony ny sombintsombiny sisa tsy lany mba tsy hisy ho verivery fotsiny.’ ”

Jaona 6:12

“Aleo mihinana anana ao anatin’ny fifankatiavana, toy izay mihinana omby mifahy ao anatin’ny fifankahalana.”

Ohabolana 15:17

“Izaho Jehovah no Andriamanitrao, Ilay mampianatra anao mba hahitanao soa, Ilay mampandeha anao amin’ny lalana tokony halehanao.”

Isaia 48:17

“Sambatra ny mahatsapa fa mila an’Andriamanitra, fa azy ny fanjakan’ny lanitra.”

Matio 5:3

“Tiavo ny namanao tahaka ny tenanao.”

Matio 22:39

“Izay tianareo hataon’ny olona aminareo no ataovy aminy koa.”

Lioka 6:31

“Izay mihaino ny tenin’Andriamanitra ka mitandrina izany ... no sambatra!”

Lioka 11:28

“Na manam-be aza ny olona, dia tsy miankina amin’ny zavatra ananany ny ainy.”

Lioka 12:15

“Raha manan-kanina sy fitafiana ary fialofana isika, dia aoka hianina amin’izany.”

1 Timoty 6:8

“Mahasambatra kokoa ny manome noho ny mandray.”

Asan’ny Apostoly 20:35

“Apetraho amin’i Jehovah izay manavesatra anao, fa izy no hanohana anao. Tsy havelany hangozohozo mihitsy ny olo-marina.”

Salamo 55:22

“Ahazoan-tombony ny fandaminana mialoha ataon’ny mazoto, fa hahantra kosa izay rehetra maimaika.”

Ohabolana 21:5

“Aza matahotra fa momba anao aho. Aza miherikerika noho ny tahotra, fa izaho no Andriamanitrao. Hanatanjaka anao aho ka hanampy anao. Hihazona anao mafy amin’ny tanako ankavanana aho, dia ny tanako feno fahamarinana.”

Isaia 41:10

“Iza aminareo no mahay manalava ny androm-piainany, na kely monja aza, rehefa manahy?”

Matio 6:27

“Aza manahy mihitsy ny amin’ny ampitso, fa ny ampitso hanana ny fanahiany. Ampy ho an’ny andro tsirairay ny ratsy mitranga eo aminy.”

Matio 6:34

‘Fantaro tsara izay zava-dehibe kokoa.’

Filipianina 1:10

“Aza manahy na amin’inona na amin’inona, fa amin’ny zava-drehetra, dia ampahafantaro an’Andriamanitra ny fangatahanareo, amin’ny alalan’ny vavaka sy ny fitalahoana mbamin’ny fisaorana. Ary ny fiadanan’Andriamanitra izay lehibe lavitra noho ny eritreritra rehetra no hiambina ny fonareo sy ny sainareo amin’ny alalan’i Kristy Jesosy.”

Filipianina 4:6, 7

LEHILAHY

“Toy izany no tokony hitiavan’ny lehilahy ny vadiny tahaka ny tenany. Izay tia ny vadiny dia tia ny tenany. Fa tsy misy olona mankahala ny nofony, fa mamelona azy io kosa sy maneho fitiavana azy. ... Aoka koa ny lehilahy tsirairay avy ho tia ny vadiny tahaka ny tenany.”

Efesianina 5:28, 29, 33

“Ianareo ray, aza mampahatezitra ny zanakareo, fa tezao hatrany araka ny fananarana sy ny fomba fisainan’i Jehovah izy.”

Efesianina 6:4

VEHIVAVY

“Aoka ... ny vehivavy hanaja fatratra ny vadiny.”

Efesianina 5:33

“Ianareo vehivavy, maneke ny vadinareo fa zavatra mety izany eo imason’ny Tompo.”

Kolosianina 3:18

ANKIZY

“Ianareo zanaka, ankatoavy ny ray aman-dreninareo araka ny sitrapon’ny Tompo, fa marina eo imasony izany. ‘Hajao ny rainao sy ny reninao.’ Izany no didy voalohany mirakitra an’izao fampanantenana izao: ‘Mba hahita soa ianao, ary mba ho ela velona eto ambonin’ny tany.’ ”

Efesianina 6:1-3

“Ianareo zanaka, ankatoavy amin’ny zava-drehetra ny ray aman-dreninareo, fa ankasitrahana eo anatrehan’ny Tompo izany.”

Kolosianina 3:20