Ampio “Tsy ho Voahozongozona Amin’ny Finoana” Izy Ireo

Tena faly isika mahita hoe mitahy ny asantsika i Jehovah, satria 250 000 mahery no atao batisa isan-taona. (Deot. 28:2) Matetika ny mpitory no tsy manohy mampianatra ny olona nampiany intsony rehefa vita batisa ilay olona, fa aleony manampy olon-kafa. Matetika koa no tsy te hianatra intsony ilay mpianatra mba hanompoana bebe kokoa. Tena tokony hiorina tsara amin’ny fahamarinana anefa ny mpianatra Baiboly. Tokony “hamaka tsara” ao amin’i Kristy izy ary “tsy ho voahozongozona amin’ny finoana.” (Kol. 2:6, 7; 2 Tim. 3:12) Tokony hanohy hianatra Baiboly foana àry ny mpianatra iray na dia efa vita batisa aza, ka hamita ny boky Ampianarina sy “Fitiavan’Andriamanitra” hatramin’ny farany.—Jereo Ny Fanompoantsika Ilay Fanjakana Aprily 2011, pejy 2.