LESONA 6

Hazavao Tsara Izay Andinin-teny Ampiasainao

Jaona 10:33-36

AHOANA IZANY? Aza vakina fotsiny ilay andininy, fa ataovy mazava tsara hoe inona no ifandraisany amin’ilay hevitra resahinao.

Atoroy hoe inona avy ny teny mifandray amin’ny hevi-dehibe. Rehefa avy mamaky andinin-teny ianao, dia avereno vakina izay teny mifandray amin’ilay hevi-dehibe tianao horesahina, na anontanio an’ilay olona.

Te hampiasa teny hafa ankoatra ny ao amin’ilay andininy ve ianao, mba hanazavana ny hevi-dehibe ao? Teny mitovitovy amin’ilay ao ihany ampiasaina, sao dia tsy ho hitan’ny olona hoe avy ao amin’ilay andininy ny hevitra resahinao.
Asongadino ny hevi-dehibe. Raha efa noresahinao kely ilay hevi-dehibe talohan’ny namakianao an’ilay andininy, dia hazavao amin’izay ilay izy izao. Ampiasao ireo teny mifandray aminy, rehefa manazava ianao.

Aza akatona ny Baibolinao rehefa manazava andinin-teny ianao, dia ho hitan’ny olona hoe tena ilay andininy no hazavainao.
Ataovy tsotra ny fanazavanao. Aza miresaka hevitra tsy tena ilaina. Mety ho efa mahafantatra momba an’ilay foto-kevitra resahinao ihany mantsy ilay olona. Izay hevitra tena hampahazava tsara an’ilay izy resahina.