• Inona no Ianarantsika avy Amin’ilay Safodrano?
    Mihainoa An’Andriamanitra dia Hiaina Mandrakizay Ianao

    • Fizarana 6

      Inona no Ianarantsika avy Amin’ilay Safodrano?

      Noringanin’Andriamanitra ny ratsy fanahy, fa novonjeny kosa i Noa sy ny fianakaviany. Genesisy 7:11, 12, 23

      Sambofiara mitsingevana, olona ratsy fanahy milentika, lasa mitafy vatana ara-panahy indray ireo anjely nikomy

      Avy ny orana nandritra ny 40 andro sy 40 alina ary difotry ny rano ny tany. Maty daholo ny ratsy fanahy.

      Niverina ho anjely ireo anjely nikomy ary lasa demonia.

      Noa sy ny fianakaviany ary ireo biby mivoaka avy ao amin’ny sambofiara, avana mipoitra eny amin’ny lanitra

      Tafavoaka velona ireo tao anaty sambofiara. Maty i Noa sy ny fianakaviany tatỳ aoriana, nefa mbola hatsangan’Andriamanitra ary ho afaka hiaina mandrakizay.

      Mbola handringana ny ratsy fanahy Andriamanitra, ary hamonjy ny tsara fanahy. Matio 24:37-39

      Satana sy ny demoniany mampiasa zavatra isan-karazany mba hamitahana ny olona

      Mbola mamitaka ny olona i Satana sy ireo demonia.

      Mitarika ny olona amim-pitiavana i Jehovah ankehitriny, nefa maro no tsy tia an’izany, toy ny tamin’ny andron’i Noa ihany. Kely sisa dia horinganin’i Jehovah ny ratsy fanahy rehetra. —2 Petera 2:5, 6.

      Vavolombelon’i Jehovah mitory amin’ny lehilahy iray sady mampiasa Baiboly; lehilahy iray mamaky Baiboly

      Misy olona toa an’i Noa ankehitriny. Mihaino sy manaraka an’izay lazain’Andriamanitra izy ireo. Tsy iza izany fa ny Vavolombelon’i Jehovah.

  • Iza moa i Jesosy?
    Mihainoa An’Andriamanitra dia Hiaina Mandrakizay Ianao

    • Fizarana 7

      Iza moa i Jesosy?

      Nirahin’i Jehovah ho etỳ an-tany i Jesosy. 1 Jaona 4:9

      Jesosy eo ankavanan’Andriamanitra, any an-danitra

      Namorona anjely mahery iray tany an-danitra i Jehovah, ela be talohan’ny namoronany an’i Adama. Tsy maintsy mihaino azy io isika, raha te hampifaly an’i Jehovah.

      Maria bevohoka an’i Jesosy, ary teraka i Jesosy avy eo

      Nirahin’i Jehovah ho etỳ an-tany izy tatỳ aoriana, ka nateraky ny virjiny iray atao hoe Maria. Teraka tao Betlehema izy, ary nantsoina hoe Jesosy.—Jaona 6:38.

      Jesosy mampianatra momba an’i Jehovah

      Nitovy tanteraka tamin’ny toetran’Andriamanitra ny toetran’i Jesosy, tamin’izy tetỳ an-tany. Tsara fanahy izy, be fitiavana, ary mora hatonina. Tsy natahotra izy rehefa nampianatra ny marina momba an’i Jehovah.

      Nanao ny tsara i Jesosy nefa nisy nankahala azy. 1 Petera 2:21-24

      Jesosy manangana ankizivavikely amin’ny maty, ary manasitrana lehilahy marary iray

      Nankahalain’ny mpitondra fivavahana i Jesosy satria nampiharihary ny fampianaran-dison’izy ireo sy ny toetra ratsiny.

      Nositranin’i Jesosy ny marary ary natsangany tamin’ny maty ny olona sasany.

      Jesosy kapohina ary avy eo vonoina ho faty

      Ny mpitondra fivavahana no nandresy lahatra ny Romanina, ka nahatonga azy ireo hikapoka sy hamono an’i Jesosy.