Kokkinakis v. Greece: Droit réservé
Ukhuma uculu moono wonthiyana mpaka vathi moono wonthiyana: Nlattu wo Ikhurupu yo Ukuvernu Inwacera Usomihaniya yo Virgínia Ocidental ni Barnette; nlattu waamuci Kokkinaki ni ikuvernu yo Grécia; nlattu wo Ikhurupu yo Masaahiti a Yehova Inoolumacera Myaha Utiripunaali yo Taganrog, atthu akiina ni ikuvernu yo Rússia; Cha, atthu akiina ni ikuvernu yo Coreia do Sul
MAKHALELO EEKRISTAU
Hi ‘ninaavarela nteko nlamulo wiira nikhitiri ulalyeera ihapari comaana’
Alupatthi waamananihilyaaya waahiiha asarayeli uteka itempulu, ale yaavara uyo ntekooyo yaaheecaakiha yavarelaka nteko malamulo aakhulupale wiira aheemesere nteko wooteka. (Estra 5:11-16) Inanna imocaaru, makristau ilelo anawiikurumica waakihera ni uvarela nteko nlamulo wiira akhitiri ulalyeera ihapari comaana. (Afili. 1:7) Wiira ikhitiriye iyo itthwiiyo, yahotthenkaciya ikhurupu yo mayamunna ineehaniya Ikhurupu yo Mayamunna Anwacera Myaha co Utiripunaali mwaakha wo 1936 nipuro cinhooleliya miteko cihu ntuninyani motheene. Iyo ikhurupwiiyo phinhoolela ni waakurumica apoovu a Nluku wiira yaakihere nteko wo Umwene ntuninyani motheene. Iyo ikhurupu yo mayamunneeyo inaakavihera wiira nteko woolalyeera uhihiye uvariya ni inawaakavihera cinene apoovu a Nluku.
MOONE IVIDIYU IKHURUPU YO MAYAMUNNA ANWACERA MYAHA CO UTIRIPUNAALI NIPURO CINHOLELIYAAYA MITEKO CIHU NTUNINYANI MOTHEENE. MWAMALIHAKA, MWAAKHULE ALA MAKOHWAALA:
Marikarikoni Masaahiti a Yehova anaananaaya mmatiripunaali?
Marikarikoni ootiripunaali nikhitinriihu uthema? Ntakihere.
Manannani otheene cihu ninlamuliyeehu ukavihera uvarela nteko nlamulo wiira nikhitiri ulalyeera ihapari comaana?
Nhina isayitiihu, nipuroni ninhaleehu ukhitiri uphwanya myaha cowuulumaceriya mmatiripunaalini cirukunusile makhalelo aapoovu a Nluku ni nipuroni ninhaleehu uphwanya ilista co Masaahiti a Yehova atthukiye nlattu wo waamini waya?