19-25 YO MAIO
MIRUKU 14
Ncipo 89 ni ulompa | Moolumo oopacera (1 min.)
1. Muupuwele saana itthu yoohala upanka yaakhumelelaka ihasara
(10 min.)
Nhiiwelele khula itthu inhimiya. (Miru. 14:15; Ukhalenla 02/2023 ipaag. 22-23 iparaag. 10-12)
Nhikhuluvele paahi moopuwelelweeyo ni hataa citthu nvirihileenyu muukumini wihu. (Miru. 14:12)
Nhiwiiwelele ale ahintthara malakihero o mumphwinkoni wa Yehova. (Miru. 14:7)
WIIRA MUUPUWELELE: Mahumu, nyuuva nri owiitthenkaca wiira ntthare malakihero a Yehova ni ukhuluvela ayo malakiherwaayo yaakhumelelaka ihasara?—Ukhalenla 07/2024 ipaag. 5 iparaag. 11
2. Ikano cowiipithya co mbiibiliyani
(10 min.)
Miru. 14:15—Isiyani inlamuliyeenyu upacera wuupuwela nhinaaya ulakela upanka itthu? (Mphwanye Utteeliya Uhimmala! mphantte 35 ipontu 2)
Mwaasomeenyu mphantte wo mbiibiliyani wo ila isumaneela, ikanoni cowiipithya ciphwanyaleenyu?
3. Usoma Ibiibiliya
(4 min.) Miru. 14:1-21 (Leitura e Ensino mpantta 11)
4. Upaceriha uwoopana mwaha atthu
(3 min.) ULALYEERA WAATTHUNI. Mmoopane myaha co mbiibiliyani ntthu ri nimasukhuli nicitthu cinonthwa. (Mwaafente Atthu mwaha 3 ipontu 3)
5. Waakavihera atthu wiira apheele wiitthuca-tho
(4 min.) ULALYEERA MMAWAANI. Munvahe irevista inooluma mwaha wancivenle ikwaha yoopacera mwaamuulumanneenyu. (Mwaafente Atthu mwaha 9 ipontu 4)
6. Waapanka eetthuci
(5 min.) Munkurumice ntthu nonsomiheenyu Ibiibiliya usoma khula mahuku ni mmoonihere mananna oohala upanka iyo. (Leitura e Ensino mpantta 19)
Ncipo 126
7. Nkhale owiitthenkaca yiirannyaaka ihasara
(15 min.) Mwaha wookaviheriya niikomentariyu co mayamunna.
Mwaha unhala upankiya ni humu. Uhela nhina malakihero ankhuma nipuro cinhooleliya miteko co Masaahiti a Yehova ni mphwinko wo mahumu.
Ukhala wiira ninkhala “mahuku ookhicera”, ninaahala waanana masakha menci. (2 Tim. 3:1; Mat. 24:8) Ikwaha cinci, apoovu a Yehova anawaakhela malakihero anhala waakavihera woopola ukumyaaya ukati unhalaaya waakhumelela awula ihinaaya waakhumelela ihasara. Wiira noopwe, ninlamuliya wiitthenkaca wiiwelela nenna co ni ulipihaca waamini wihu ni wiitthenkaca nicitthu cimpheeleehu.—Miru. 14:6, 8.
Mwiitthenkace nhina mminepani: Mwiikurumice wiilihera nhina mminepani awula uhihiya upanka usoma Ibiibiliya wo veekha. Mwiikurumice wuulalyeerani nimananna menci. Wakhalaka wiira mayamunna o wanlokoni anaakhala uttayi ninyuuva, nhisanke. (Miru. 14:30) Nyuuva khannohala ukhala veekha uhoolo wa Yehova Nluku ni Yesu Kristu.—Organizados para Fazer a Vontade de Jeová ipaag. 176 iparaag. 15-17
Wiitthenkaca wo mwiirutthuni: Uhiya paahi ukhalana iyoolya yinci, khula amuci ahaana utthenkaca yoolya inhala waakavihera, maaci, mirette ni citthu cikhwaawe cinhalaaya upheela nipuro ninhalaaya utthawela.—Miru. 22:3; Despertai! 5/2017 ipaag. 4
Moonihe IVIDIYU Wiitthenkace ihinaaya ukhumelela ihasara. Vano, nkohe co:
Manannani Yehova cinhalaawe uniikavihera yaakhumelelaka ihasara?
Isiyani inlamuliyeehu upanka nna co wiira nikhale owiitthenkaca?
Manannani ninhaleehu waakavihera ale yaakhumelenle ihasara?