Nlipihace ukupali winyu wiira Yehova naahala uwoopolani

Nsome Manummeru 13:25–14:4 wiira moone mananna asarayeli yoonihenryaaya wiira khayankhuluvela Yehova.

Nwehacere citthu cotheene ceerannya. Kontha isiyani asarayeli yaalamuliyaaya ukhuluvela wiira Yehova anhala uwoopola ukati waahalaaya ukhuma Wiciipitu? (Isaa. 78:12-16, 43-53) Isiyani yaawiirihile uhiya unkhuluvela Yehova? (Deut. 1:26-28) Manannani Josuwe ni Kalepe yoonihenryaaya wiira yanankhuluvela Yehova?—Manu. 14:6-9.

Muupuwele. Isiyani asarayeli yaalamuliyaaya upanka wiira alipihace unkhuluvela waya Yehova? (Isaa. 9:10; 22:4; 78:11) Manannani unhisima Yehova unhalaaya unikavihera unkhuluvela?Manu. 14:11.

Ncuwelele citthu cineetthuceenyu. Mwiikohe:

• ‘Citthuni caahala uttehattelha unkhuluvela waka ninrima wootheene Yehova?’

• ‘Manannani kinhalaaka ulipihaca unkhuluvela waka Yehova nna va ni wahoolo?’

• ‘Ukhuluvelani urinaaka ukati unviraaya yaattamelaka masakha moolupale?’—Luka 21:25-28.