Porofeeta Daniele aari mmirawo ukati waakusiyaawe naababilooniya wiira atthukeliye uttayi niilapo yoowannyawe, u Yerusalemu. Uyo aahookhalaru mmirawo, ahaatikhiniha ahooleli o Babilooniya. Ayo yahoona wiira Daniele aari “ntthu omaana, ooreera” ni wiira amucyaawe yaari atthu yaahisimiya. (1 Sam. 16:7) Phimaana, ababilooniya waapheelaaya umwiitthuciha makhalelo o Babilooniya wiira avare nteko uwannyaya amwene. (Dan. 1:3, 4, 6) Yehova aananfenta Daniele Yehova anfenta Daniele nlattu wo makhalelo yaathanlalyaawe ukhalana. Uyo atthunaka aarina myaakha 20 niitthwaaya ukati Yehova waamwiirenlyaawe wiira anlikanaca ni Nowee ciicammo ni Jó. Yehova aamoona ukhala nasariya khampa Nowee ni Jó, alopwana yanvarenle nteko uyova myaakha cinci. (Upha. 5:32; 6:9, 10; Jó 42:16, 17; Ezek. 14:14) Daniele ahokhala myaakha cinci answalelaka Yehova. Ni Yehova ahonfenta myaakha cotheenennyo. —Dan. 10:11, 19. w23.08 ipaag. 2 iparaag. 1-2

Nyuuva nnopheela uthuma inupa. Nyuuva mwanhala upheela . nyuuva mwanhala upheela woona citthu cotheene. Pooti wampankeehu itthu yoolikanaca ukati unsomeehu Ibiiblya. Wakhala wiira nyuuva mwacisaka Ibiiblya nnosoma moolumwaayo paahi, khannohala wiitthuca myaha cuulupale, masi nnohala wiitthuca paahi “citthu coopacera co nnuulumoni nowaarya na Nluku.” (Mabere. 5:​12) Khampa caahaleenyu urwaa wooneeha inupa impheeleenyu uthuma, nyuuva ciicammo nhaana usoma Ibiiblya sana-saana wiira nkhitiri wiiweeha. Mananna oosoma saana Ibiiblya ukhanle utotha ucuwelela ­manannani mphantte wo mbiiblyani unsomeenyu cinvaranacaaya nimiphantte cikiina. Nhiikurumice wiiweeha paahi ikhweeli co mbiiblyani nyuuva cinkupaliinyu, masi ciicammo mwiikurumice ucuwela kontha isiyani nnokupaliinyu nnyo ikhweeliinnyo.Wiira niiweehe Nuulumo na Nluku, nihaana wiitthuca ikhweeli cuulupale co mbiiblyani. Apostolu Paulu ahowiirela mayamunna wiira yahaana usoma Nuulumo na Nluku saana wiira akhitiri ‘ucuweleeheeha yaatapuwelo, irekamelo, yeemelelo, ni yiiserelwaaya’ ikhweeli ca Nluku. Naayo manannaayo paahi, phaahalaaya ukhitiri ulipihaca waamini waya. (Efesu 3:​14-​19) Ni iyo phi itthu hiiva ninlamuliyeehu upanka. w23.10 ipaag. 18 iparaag. 1-3

Ibiibiliya inawuuluma matakihero aatthu enci yaavilenle. Nnoonela cani nyuuva upacera usoma ni uthotha waacuwela ayo atthwaayo? Wootakihera, Davidi aathanliye nari mmirawo wiira akhale mwene o Isarayeli, masi ahaana awehereraka mpaka waakhitinryaawe ukhala mwene. Ntakihero nikiina nikhanle na Simeau ni Ana. Ayo yanonswalela Yehova sana-saana yawehereraka uwa wa Mesiya. (Luka 2:25, 36-38) Mwapaceraka usoma nnyo ihantisinnyo, mmananihe waakhula ala makohwaala: Isiyani yankavihenre uyo ntthuuyo uvilela? Kontha isiyani yaakhanlyaaya itthu yomaana uyo ntthuuyo uvilela? Manannani miiva kinlamuliyaaka untakiha? Nyuuva ciicammo pooti wiitthucera matakihero aatthu yahaavilenle. (1 Sam. 13:8-14) Woosoma ayo matakiherwaayo, mwiikohe co: ‘Kontha isiyani uyo ntthuuyo khaavilenle? Citthuni cootakhala caamwiirannyenle nlattu woohivilela?’ w23.08 ipaag. 25 iparaag. 15