Ireferensia co Mwaalivuru o Mikutthaano Makhalelo ni Miteko Ceekristau
© 2025 Watch Tower Bible and Tract Society of Pennsylvania
3-9 YO NOVEMBRO
MIHAKHU CO NNUULUMONI NA NLUKU NCIPO NA SALOMAU 1-2
Ihantisi yo nifento nihimmala
Sentinela 15/01/2015 ipaag. 30 iparaag. 9-10
Unaakhitirya ukhalana nifento neekhweeli?
9 Uthelana khaninakhala nleehano nimpankiya woohinifento. Khweeliini, nifento nikhanle nofayita ninlamuliya ukhala muuthelanacani. Nifento? Niireke ninlamuliya ukhala nifento nineettiheriya niikano co mbiibiliyani? (1 Joau 4:8) Nenno nifentonno ninaahela nhina uruparupa? Unaahela nhina uhimeryana ikhweeli (Joau 11:3) Awula ukhanle ucivelana paahi? (Miru. 5:15-20) Khweeliini, nifento ninkhalanaaya anamathelana ninaahela nhina citthu cootheene nnyo. Wiira ntthu nkhwaawe icoone ufentiya haana oniheriyaka nifento. Woohitikhinaca, anamathelana khanlamuliya uviriha nihuku ahuulumelanne moolumo anoonihera nifento. Ayo moolumwaayo anawaakavihera anamathelana ukhala okhikicerya ni ootteeliya muuthelanacani waya. Ikhapila cikhwaawe atthu anaatelana woohicuwela saana, nlattu wo iyo ittwiiyo inaawiiriha anamathelana uhifentana. Ayo ahaana wiikurumica wuuluma nimanaana owoonihera nifento, upanka commo unaahala waakavihera ulipihaca nifento naya ni ukhala otheeliya muuthelanacani waya.
10 Moolumo owoonihera uciveliya ahaana-tho ifayita ikhwaawe. A mwene Salomau yahomananiha unthonkoca mwanthiyana o Sulem yanvahaka ipirinku ni ipotawu co iparaata. Ayo ciicammo yahonttottopela ureera wawe amwiirelaka ukhanle “oreera khampa mweeri.” Ooreera khampa waarya wo ncuwa. (Nci. 1:9-11; 6:10) Masi hataa ukhalaka commo mwanthiyana o Sulem khaahiile ukhala okhuluvelya naawannyawe. Masi isiyani yaakavihenre ukhala omaala ukati waahaaryaaya nkhayi naawannyawe? Ayo anaahimyaca nhina Ncipo na Salomau 1:2, 3 (Nsome) Yaari moolumo o nifento yoolumaaya awannyaawe. Moolumo omaana otteeliha nrima uvikana iviinyu ni ncina, awannyawe yammwiiriha wiicoona sana khampa makhura oonukhela owiittheliya mmuru. (Isaa. 23:5; 104:15) Khweeliini, nifento naatthu eli ninaatepa ulipa wakhalaka wiira anamathelana anawuupuwela moolumo omaana anoolumelanaaya. Phimaana ikhanle itthu yo ifayita anamathelana wuulumelana moolumo anoonihera nifento!
Ikano cowiipithya co mbiibiliyani
Sentinela 15/01/2015 ipaag. 31 iparaag. 11
Unaakhitirya ukhalana nifento neekhweeli?
11 Ncipo na Salomau ciicammo nihaana ikano cinhala waakavihera makristau athupa, venci-venci ale ampheela uthelana. mwanthiyana o Sulem khaaciveliye ni mwene Salomau. Mwanthiyana o Sulem aholapha uhoolo waasithiyana o Yerusalemu eereka co: “Nhimananihe ukikhanyereriha unthuna nlopwana hikicivenle.” (Nci. 2:7; 3:5) Kontha isiyani? Kontha kinakhala itthu yomaana untthuna ntthu hikicivenle. Phimaana, nkristau noopheela uthela awula utheliya naahala upanka saana akhalaka oovilela ni anwehawehaka ntthu nonfenta.
10-16 YO NOVEMBRO
MIHAKHU CO NNUULUMONI NA NLUKU
NCIPO NA SALOMAU 3-5
Ifayita urinaaya ureera nrima
Sentinela 15/01/2015 ipaag. 30 iparaag. 8
Unaakhitirya ukhalana nifento neekhweeli?
8 Nhina ila icipweela moolumo otheene kahi unaaciya ureera wo wiitho awula wo mwiirutthuni. Moone mananna makampuci cuulumilyaawe saana makhalelo aarinaawe mwanthiyana o sulem. (Nsome Ncipo na Salomau 4:7, 11.) Matteryaawe ankhala khampa uravo unvuva muinyampharani. Kontha isiyani? Kontha uravo wooliya unaryeene mwiinyampharani unaatepa uviyola upwaha wookumihiya. Urawo ni ileeti, ciri vatti waya nlimi nawe. Uyo nawuncerera eeraka: moolumwaawe akhanle omaana. Vano makampuci heera: “weeva khumala ureera, . . . khuvonyeele nanka nipuro.” Uyo khanaaca ureera wo mwiirutthuni wawe uyo mwanthiyanooyo.
Sentinela 1/11/2000 ipaag. 11 iparaag. 17
Moonelo wa Nluku o mananna o wuupuwela saana ni ukhalana makhalelo omaana
17 Ntthu oneeraru oonihenre ukhala ookhuluvelya ari mwanthiyana mmoca o sulem. Ari mwaaruusi ni ooreera, ahaamweleliya uhiya paasi ni mmirawo makampuci, masi cicammo ni thaaciri o wisarayel, a mwene Salomau. Ihantisi yotheene inttonkaciya nhina icipo ya Salomau, Mwaarusi o sulem khaahiile ukhala ookhuluvelya. Iyo itthwiiyo yammwiiriha uttitthimihiya ni atthu otheene yaamoona. Hataa ukhalaka wiira a mwene Salomau yahokhottiya ni uyo mwaruusyuuyo, akaviheriyaka ni nnepa wowaarya amwene Salomau ahantikha ihantisyaawe. Hataa makampuci mwanthiyana o sulem ampheelawe, ciicammo anttitthimiha mananna aaryaawe ookhuluvelya. Mpaka nkwaha mmoca makampucyuuyo ahoopuwela wiira mwanthiyana o sulem aari khampa “ijardim yootekeliya iluwani.” (Nci. 4:12) Para makampucyuuyo, ukhuluvelyaa wa mwaaruusii o sulem waari khaampa ijardim yootekeliya ni yaarika woona. Uyo mwaarusyuuyo aari ookhuluvelyaa cinene. Mpaka aaholakela wiira miphantte cikhwaawe co mwiirutthuni wawe khaavo aahala ukwanyakwanya hikhanle nlopwana aahala unthela.
Despertai! 22/12/2004 ipaag. 9 iparaag. 2-5
Ureera unvaheehu ifayita
Niireke ureera nrima unaawiiriha atthu uciveliya ni hiiva? Georgina, virihile myaakha 10 natheliye, neera: “myaakha cotheene nya, kinaavira kitepaka uciveliya naawannyaka nlattu wookhuluvelyaa waya ni uhikivitha itthu. Itthu inaacivela cinene muukumini waya, uri unswalela Nluku. Iyo inawaakavihera ukhala ookhuluvelya ni oopatthannya. ukati anlakelaaya upanka itthu ayo anaakikohaka ni iyo itthwiiyo inaakiriha wiicoona uwaceriya. Mi kinaacuwela wiira anaanifenta cinene.
Daniele, thenle mwaakha yo 1987, neera: “para miiva amwaaraka athiyana ooreera cinene. Khunakhala ankicivela paahi wiithowaya awula irutthwaaya, masi makhalelwaaya hintepa ukiiriha miiva waafenta cinene. Ayo anawaawacera akhunanaya ni anaapanka citthu cinwiiriha akhunanaya ukhala saana. Ahaana makhalelo omaana eekristau, ni himaana, kinoona ukhala iparakha yuulupale nlattu wowaathela.”
Nuulumo na Nluku ninaanikavihera waavaha ifayita atthu ooreera nrima toko: unamaana ni umaala, makhalelo arina ifayita wamiithoni wa Nluku.” (1 Pet. 3:4) khweeliini, ureera nrima, uhaana ifayita cinene uvikana makhalelo omwiirutthuni. Ni ayo mananna oreeraayo anawaacivela atthu otheene.
Unaareera untakiha mwanthiyana o Sulem
Vida e Ministério Cristãos 11/2016 ipaag. 8 Ikwaaturu
Kontta isiyani unaareera untakiha mwanthiyana o Sulem?
Uyo ari acuwelaca, ahoweherera mpaka amphwanyilyaawe nlopwana oncivela.
Uyo khaahiyerenre moopuwelelo atthu akhwaawe amwiirihaka uciveliya ni khula nlopwana.
Uyo ari owiiyeviha ni onamaana, ciicammo khaarupihana woohiloka
Uyo kheehiyerenre uthepiya ni mihakhu ni moolumo ocivacivihiya
Mwiikohe co: ‘Ikhaleloni inkicivela untakiha mwanthiyana o Sulem?
17-23 NOVEMBRO
MIHAKHU CO NNUULUMONI NA NLUKU NCIPO NA SALOMAU 6-8
Nkhale isiri, kahi nkhora
Perspicaz “Cantico de Salomão, O” iparaag. 11
Nyeenyaaya nkhwaawyeeyo ahaakhula eeraka: “Akhalaka wiira mwanrokorihuuyo naakhala khampa isiri ninaahala untekela nikhikicero no iparaata; masi akhalaka nkhora ninaahala uttiya niithaapwa yo mwiri wo seturu.” (Nci. 8:9) Vano, ukhala wiira uyo ahonyema urupihana woohiloka ni ahokhala ookhuluvelya, uyo aheera co: “Mi kiisiri ni mapelyaaka ari phanka inupa yookhikiceryaa. Phimaana, kihopwanya nnema uhoolo wawe kihopwanya nnema.”—Nci. 8:10.
Os Jovens Perguntam ipaag. 188 iparaag. 2
Nnoonela cani mwawoonaka aruparupaka atthu ahinaaya uthelana?
Ibiibiliya inaamuuluma mwanthiyana ari hinarupa ninlopwana ni aanyema urupihana woohiloka, hataa ukhalaka wiira anciveliya cinene ni mweettyaawe. Phimaana uyo aheera: “Mi kiisiri ni mapelyaaka ari phanka inupa yookhikiceryaa.” Uyo khaari khanpa nkhora uneehula woohirikarika nlattu wookhanyererihiya upanka uruparupa woohiloka. Makhalelwaawe yaari khampa isiri yoorika uweliya ni yoocara inupa cookhikiceryaa. Uyo aheera: “Mi kihophwanya nnema uhoolo wawe kihopwanya nnema.” Nnema nawe no mmuupuweleloni naanaapwanyiha utteeliya ooyeeli.—Nci. 6:9, 10; 8:9, 10.
Os Jovens Perguntam Vol-2 ipaag. 33
Ntthu oreera utakihiya—mwanthiyana o Sulem
Mwaaruusi o Sulem ancuwela wiira yaari itthu yo fayita ukhalana moopuwelelo omaana nhina citthu aahalaawe ulakela wanrimani wawe. Uyo mwaruusyuuyo, ahowiirela asipatthannyaawe co: “Mi kinawuulaphelani wiira nhimananihe ukhiteperya untthuna nlopwana, miiva hikicivenle” Mwaaruusi o Sulem ancuwela wiira moopuwelelwaawe pooti yaahalaaya unpakiha ulakela itthu yahaapheelawe. uyo anaacuwela wiira atthu akhwaawe yanhala umananiha wiira aciveliye ni nlopwana uyo ahalaawe uhimpheela. Hataa moopuwelelwaawe pooti yaahalaaya umwiiriha uhonona makhalelwaaawe omaana. Vano mwanthiyana o Sulem khahiile ukhala khampa isiri yootekeliya.”—Nci. 8:4, 10.
Nnokhalaka cani mwawoonaka atthu yacivelanaka, niireke nnaakhitiri ukhala oolipa khampa mwaaruusi o Sulem? Nnaakhitiri uviriyana moopuwelelweenyu, uhiya uviriyana paasi nrimeenyu? (Miru. 2:10, 11) Ikwaha cikhwaawe atthu pooti unikhanyereriha ntthuna ntthu nihinaaya ulakela mwasineenehu. Awula nrimeehu pooti unikhanyereriha upanka itthu nihilakenleehu wiira nipanke. Wootakihera, ukati nyuuva nnomoonenyu mwanthiyana ni mwanlopwana anavarelanne matata yeettaka nkhayi, nyuuva unawuuthapaakani nrima ni ukhala ni masukhuli mmuupuwela mwanthiyana awula mwanlopwana wiira mmweettane nkhayi? Niireke mwanhala untthuna ntthu khanle Saahiti a Yehova? Mwanthiyana o Sulem aari oolipa nhiina mminepani, phimaana ancuwela myaha caahela nhina ucivelana. Ni nyuuva ciicammo pooti ukhitiri.
Ikano cowiipithya co mbiibiliyani
Sentinela 1/15/2015 ipaag. 29 iparaa. 3
Unaakhitirya uphwanya nifento neekhweeli?
3 Nsome ncipo na Salomau 8:6. Nuulumo nineera “Mooro wa Yehova”, ninvareliya nteko wiira nihimyace ufenta, ninaataphulela citthu coovirikana. Nifento neekhweeli “mooro wa Yehova” ukhala wiira Yehova hikumiherenre. Uyo howumpa apinaatamu elattanihaka niikhalelo yoofenta. (Upha. 1:26, 27) ikhumelo ukati Nluku antthenkacilyaawe nthiyana oopacera eehaniya Hawa, anvahaka nlopwana oopacera eehaniya Atamu, itthu Atamu oolumacilyaawe yahoonihera wiira ahociveliya ni Hawa Woohaanyihacera, Hawa eecoona khampa Atamu ceecoonaawe, wiira yahocivelanaca.
24-30 YO NOVEMBRO
MIHAKHU CO NNUULUMONI NA NLUKU ISAIYA 1-2
Niweherero naatthu apankile citthu cootakhala
Profecia de Isaías vol. 1 ipaag. 14 iparaag. 8
Nyari naasanaawe ohiiwelela
8 Citthu cootakhala pooti winciva mpaka ukhala itthu yoolemela. Mahuku a Aparahaamu Yehova aheera wiira matampi yaavanryaaya atthu o Sotoma ni o komora yaari moolupale. (Upha. 18:20) Itthu imocaaru yanpanka Ayuuta, kontha Isaiya aheerela wiira apoovwaayo khayaamalana itampi. Uhiya commo uyo naawiihana ucuulu waatthu ootakhala, asaana ookwanyulaca. Khweeliini Ayuuta yaari asaana ootakhala nrima. Kontha ayo yahohiya unswalela Yehova.
Profecia de Isaías vol. 1 ipaag. 28-29 iparaag. 15-17
“Nuulumacere milattu cihu”
15 Nlattulo niri nhina ila iveeruswiila atthu akhwaawe khaneweeha itthu inhimyaaya. Wootakihera Biblia vozes ineera: “nwe nuulumacere,” khampa atthu o miphantte co miili ahaana wookoma woopa mwaha ni wiiwanana. Masi iyo kahi phiitthu impheelaaya uhimya! Kontha Yehova khaarina nlattu, venci-venci ukati aawaceraawe ale apoovu oohiiwaale. (Deut. 32:4, 5) Iveeruswiiyo khinhimya wiira wahaana wunkomiya ni woopiya mwaha, uhiya commo atthwaayo yahaana wiiwelela ni weettela isariya.
16 Yehova khanle namalevelela muulupale. Ulevelela urinaawe khunlikananiya. (Isaa. 86:5) Khiivo nanka itthu pinaatamu inlamuliyaawe upanka wiira aleveleliye itampi cawe Yehova hitthunne. Uyo paahi phinlamuliya ulevelela. Ciicammo, uyo nolevelela itampi akhalaka wiira ntthuuyo nawoonihera uttharuwa.
17 Yehova nopheela wiira nicuwele wiira uyo khanle namalevelela ni naaleva mpaka matampi moolupale cinene. Wakhalaka wiira unawuurikani ukupali pooti usomasoma ihantisi ya Manasesi. Uyo ahovara matampi moolupale masi Yehova ahonlevelela. (2 Ikor. 33:9-16) Yehova nopheela wiira otheene cihu waahela nhina ale avanre itampi cuulupale acuwele wiira uyo naahala unilevelela nattaruwaka vale.
Ikano cowiipithyaa co nnuulumoni na Nluku
Profecia de Isaías vol. 1 ipaag. 39 iparaag. 9
Inupa ya Yehova inaattittimihiya
9 Mahukwaala, apoovu a Nluku khaarina nipuro nimoca noopheela unswalela Nluku. Itempulu yo u Yerusalemu ihokwanyulaciya mwaakha wo 70 nawile Kristu ni Arooma. Uhiya commo, apostolu Paulu ahohimya wiira itempulu yo u Yerusalemu yaathoonyihera itthu yaahala wiiranyaa. Iyo yamoonihera heema muulupale Yehova ntekilyaawe kahi pinaatamu. (Mabere. 8:2) Uyo heemoyo ukhanle inanna yooswali Yehova thenkacilyaawe unvaranaca ni wiivaherera wa Yesu Kristu. (Mabere. 9:2-10, 23) Phimaana Mwaako uri inupa ya Yehova unhimiya nhina Isaiya 2:2, unaaciya uswali weekhweeli wo mahukwaala.
1-7 YO DEZEMBRO
MIHAKHU CO NNUULUMONI NA NLUKU ISAIAH 3-5
Profecia de Isaías vol. 1 ipaag. 73-74 iparaag. 3-5
Kinawoonela uthunku imatta yoohikhuluvelyaa!
3 Ukhala wiira mwaneene imatta ahovara nteko mwinci wiira akhikicere imattaawe, ahaana isariya wowaareriha wiima mihokorokho. Ukati waarerihaawe, uyo aahothipa nipuro ahalaawe unyatta mihokorokho co uva. Masi niireke caheema mihokorokho comaana khampa capheelawe? Mena, imatteeyo yeemile mihokorokho coohiloka.
Profecia de Isaías vol. 1 ipaag. 76 iparaag. 8-9
Kinawoonela uthunku imatta yoohikhuluvelyaa!
Yehova waanamphwanela wiiweleliya naapoovwaawe
8 Isaiya ahomwiihana Yehova mwaneene imatta”Kinonfentaaka” (Isaiya 5:1) Isaiya oolumile commo kontta ahaana upattani ni Yehova. (Jo 29:4; Isaa. 25:14.) Wonookhalaru commo nifento naarinaawe khanalikanaca ni nifento na Yehova naarinaawe ni imattaawe. Apoovu ahiilyaawe.’— Nkwa. 15:17; Isaa. 80:8, 9.
9 Yehova aahaala apoovwaawe ilapo yo Kanaa ni ahaavaha malamulo yaakhikicera khampa imuuru yaakhikicera unyonkanaciya wo ahooleli o ilapo cikhwaawe. (Nkw. 19:5, 6; Isaa. 147:19, 20; Efesu 2:14) Ciicammo, Yehova ahaavaha Masuwiisi, anankuttho ni maporofeeta wiira awiitthucihe. (2 Mam. 17:13; Malaki. 2:7; Mite. 13:20) Ukati woopopihiyaaya, Yehova anawaakhikicera. (Mabere. 11:32, 33) Vano Yehova ahaakoha co: Isiyani impankiya kihipankilyaaka mmattani waka?
Sentinela 6/15/2006 ipaag. 18 iparaag. 1
“Uwacere ila imatteela”!
Isaiya ahaalattaniha asarayeli ni mwiri wo uva weema mihokorokho cowuntta. (Isai. 5:2, 7) Asarayeli waanaaphwanela ulattaniheriya ni mwiri wo uva wo wiimiha mihokorokho cowuntta kontha khayiiwelela malamulo ni khayeettela isariya. Uhiima waya mihokorokho khunakhala nlattu woohiwaceriya saana ni Yehova. Uyo ahopanka cotheene caakhitiryaawe wiira yiime mihokorokho. Yehova ahokoha co: Isiyani impankiya, kihipankilyaaka mmattani waka?—Isai. 5:4.
Sentinela 6/15/2006 ipaag. 18 iparaag. 2
“Uwacere ila imatteela”!
Ukhala wiira asarayeli yaari imatta yahaaruweryaa, Yehova aholakela ukwanyulaca isiri caatekilyaawe wiira caakhikicere. Uyo khaahalatho ulima ile imatteele. Khayaahala urupa-tho ipula ni imatteeyo yaanhala umela mwiiwa ni malasi.—Isai. 5:5, 6.
Ikano cowiipithya co mbiibiliyani
Ukhalenla 03/2024 ipaag. 22 iparaag. 10
Nhiye weetta wapiphini—Mweette wowoonnya
10 Ituninya inhoolelaawe Sotwani impheela unithepya ni unikupaliha wiira citthu Yehova cinaateelihaawe cikhanle comaana. (2 Pet. 2:19) Hi khanintikhina wiira nwo ukhanle wootha wa Sotwani! Ukhuma nenne nokhalayi, Sotwani naamananiha waathepya atthu ayo manannaayo, wiira ahicuwelele isiyani ikhanle yomaana ni yoohinamaana. (Isai. 5: 20; 2 Akor. 4:4) Phimaana, nhina ifiilime, iporokaraama co TV ni mwinternetini, cihaavo citthu cinci cinkumiheriya cinvirikaniha ikano comaana ca Yehova. Sotwani nopheela unikupaliha wiira citthu coohinamaana cimpankiya cinene ilelo, khweeliini, cikhanle comaana ni khacinnipanka pusya.—Nsome Efesu 5:6.
8-14 YO DEZEMBRO
MIHAKHU CO NNUULUMONI NA NLUKU ISAIYA 6-8
“Kirii va! Nkirumeke!”
Profecia de Isaías vol. 1 ipaag. 93-94 iparaag. 14
Yehova Nluku ri ntempuluni wawe yo waarya
14 Isaiya ahaakhula hataa ukhalaka wiira khaacuwela itthu yaahalaawe ulalyeera, uyo enre: Kirii va! Nkirumeke! Uyo khaakohile isiyani yaahalaawe uvahiya avaraka uyo ntekooyo. Wiivaherera wa Isaiya nikhanle ntakihero nomaana no aswali a Yehova o mahukwaala aneevaherera uvara nteko woolalyeera ihapari comaana ntuninnyani motheene.’ (Mat. 24:14) Khampa Isaiya, ayo anawiikurumica ulalyeera hataa ukhalaka wiira atthu enci khaniiwelela. Ciicammo ayo khanhiyerera ni anaakhuluvela kontha ihapari cinlalyeeraaya cinkhuma wa Nluku.
Profecia de Isaías vol. 1 ipaag. 95 iparaag. 15-16
Yehova Nluku ri ntempuluni wawe yo waarya
15 Nireke wiira iyo maanaaya wiira Isaiya alamuliya waawacera pusya asarayeli? Mene! Yaaciya apoovu Isaiya ahalaawe waalalyeera. Moolumacero a Yehova anawoonihera mananna apovwaayo yaahalaaya woonela ihapari caahalaawe ulalyeera isaiya hataa ukhalaka wiira Isaiya ahala ukhala okhuluvelyaa.
16 Apoovu phavonya, masi Isaiya anaahala uwuulumana ikwaha cinnci masi ayo khayaahala wiiwelela. Atthu anci khayaahala wiiwelela ni mpaka yaahala ukhala khampa atthu ohiiwa. Nlattu woohihiyerera woolumana apovwaayo yaanhala wonihera wiira khayaatthuna wiiwelela. Yaanhala woonihera wiira khayaatthuna wiiwelela ihapari ca Nluku. khampa cimpankaaya atthu o ala mahukwaala. Ayo khaantthuna wiiwelela ihapari comaana cinlalyeeraaya Masahiti a Yehova.
Profecia de Isaías vol. 1 ipaag. 99 iparaag. 23
Yehova Nluku ri ntempuluni wawe yo waarya
23 Unromola wawe Isaiya, Yesu ahoonihera wiira inatiri caahimiye khalayi caheerannya ukati wa Yesu. Moopuwelelo ni mirima caatthu yaakhala ukati wa Yesu yanlikana ni ayuuta yaakhala ukati wa Isaiya. Yaheekhaliha atthu ohoona ni atthu ohiiwa wiira ahiiwelele ihapari caalaleeriya ni yahomalamalihiya wonkwaha mmoca. (Mat. 23:35-38; 24:1, 2) Iyo itthwiiyo yeeranyeele ukati anatoropa o Rooma yaahooleliyaaya ni nkhulupale Titu atuphenle u yerusalemu mwaakha wo 70 nayariyeene Yesu. Ni yaahokwanyulaciya isittattiiyo wamoca ni itempulu. Masi atthu akhwaawe yaahomwiiwelela Yesu ni yaahokhala attharyaawe. Yesu aheera wiira ayo akhanle “ootteeliya.” (Mat. 13:16-23, 51) Uyo ahaahimerya wiira yoonaka “isittatti yo yerusalemu inarukureriye” “yaalamuliya utthawela umwaakoni.” (Luka 21:20-22) Vano “ucuulu wowaarya” woonihenre waamini ni ukhala apoovu yanswalela Nluku yahoopwa.—Akal. 6:16.
Ikano cowiipithya co mbiibiliyani
Ukhalenla 11/2021 ipaag. 16 iparaag. 9, 10
Nyuuva nthelanne phiyaaru—Nhoolelihere muukumini winyu uvara nteko wa Yehova
9 Porofeeta Isaiya naamwaarawe yanhoolelihera nteko wa Yehova khampa itthu yuulupale cinene muukumini waya. Isaiya aavara nteko weeporofeeta ni amwaarawe atthunaka cihaavo miteko ca Nluku caavaraaya, ukhala wiira mbiiblyani ayo ciicammo aneehaniya “porofeeta.” (Isai. 8:1-4) Unawoonannya wiira porofeeta Isaiya wamoca ni amwaarawe yaahoolelihera uvara miteko ca Yehova. Ni anamathelana ilelo pooti wiitthucera cinene ntakihero naya.
10 Anamathelana ilelo anontakiha porofeeta Isaiya naamwaarawe yeekurumicaka uvara cinene nteko wa Yehova. Ayo pooti usoma nkhayi inatiri co mbiiblyani ni woona mananna ciirannyaalyaaya wiira alipihace unkhuluvela waya Yehova. (Titu 1:2) Unaareera ciicammo ooyeeli wuupuwelaca isiyani inlamuliyaaya upanka wiira akavihere wiirannya inatiri cikhwaawe co mbiiblyani. Wootakihera, ayo pooti ukavihera wiirannya inatiri ya Yesu inooluma ulalennya ihapari comaana ntuninyani motheene. (Mat. 24:14) Nlopwana ni nthiyana athelanne yasomaka nkhayi inatiri co mbiiblyani ni yooneehaka wiira nnyo inatirinnyo khacinhiya wiirannya, anaalakela wiikurumica uvara cinene nteko wa Yehova.
15-21 YO DEZEMBRO
MIHAKHU CO NNUULUMONI NA NLUKU
ISAIYA 9-10
Inatiri yaahimyaca ‘woonnyeela venci’
Profecia de Isaías vol. 1 ipaag. 125-126 iparaag. 16-17
Inatiri yo nhooleli o nnema
16 Iyee, “khampa” caahimilyaawe Isaiya, yaheerannya ukati Yesu Kristu waryaawe watuniyaani. Ukati Yesu waryaawe watuniyani ahoviriha ukati mwinci akhalaka Ukalileya. Nwoo haapacenryaawe ulalyaa eeraka: “umwene wa nluku uhaattamela” (Mat.4:17) Ukalileya haapankilyaawe mwaha, uncuweliya ukhala mwaha woomwaakoni, haathanlilyaawe attharyaawe, ahopanka mwiiriirya woopacera ni wunwelelihiya wawe, ahaakhumelela attharyaawe 500. (Mat. 5:1–7:27; 28:16-20; Mark. 3:13, 14; Joau 2:8-11; 1 Akor. 15:6) Attitthimihaka “nloko na Zebulão ni nloko na Naftali” Yesu ahomalihera inatiri ya Isaiya. Ni ayo manannaayo, Yesu aheekurumica waalalyeera atthu ottheene o Kalileya. Ni khaahiyerenre ulalyeera ihapari comaaana ntuniyaani mottheene iyo itthwiiwo yahomwiiriha Yesu uttitthimihiya nhina nloko na asarayeli waahela nhina Ayuuta.
17 Iseekulu yoopacera nlattu woomwareela citthu cowoothiya ceetthucihiya, waakhala toko ikhweeli khayaarivo. Ahooleli ottiini o Yuuta yahorukunusa ikhweeli ca Nluku ni ileema caakumiheraaya. (Mat. 15:6) Atthu owiiyeviha yaanaahuvihiya ni yanaakhanyererihiya utthara citthu cowoothiya. (Mat. 23:2-4, 16) Ukati waayareelyaawe Yesu atthu o wiiyeviha yahancera wiitthuca ikhweeli. (Joau 1:9, 12) Iparakha cikumihenryaaya nteko wa Yesu, cahoolumiya nhina inatiri ya Isaiya.—Joau 8:12.
Profecia de Isaías vol. 1 ipaag.126-128 paraag.18-19
Inatiri yo nhooleli o nnema
18 Nlattu wowiikurumica wa Yesu nkhayi naattharyaawe, atthu oreera nrima yahopacera woonihera wiira yaapheela unswalela Yehova ninrimaaya wotheene. (Joau 4:24) Nhina wo myaakha micese atthu enci yaahokhala makristau. Atthu okhalaka 3.000 yahopattisiya nihuku no pentekosite mwaakha wo 33 nawile Kristu. Uvira waya ukati vakaani “nummeru naatthu yantthara Yesu nahenciva ni nohophiya 5.000.” (Mite. 2:41; 4:4) Ukati atthari weekurumicaaya ulalyeera ihapari comaana, nummeru naatthari nanvira nitepaka winciva u Yerusaleemu ni anankuttho enci yahopacera wiiwelela yooniheraka waamini. —Mit. 6:7.
19 Atthari a Yesu yahokhala ootteeliya nlattu woowoona atthu enci atthunaka ikhweeli. (Mite. 2:46, 47) Nuuwakathyaaya, Yehova ahuncerera waarya waya uyo ntthukooyo. (Mite. 14:27) Nayo manannaayo, atthu okhapila cotheene yahokhala ootteeliya nlattu wookhitiri umwaattamela Yehova.—Mit. 13:48.
Profecia de Isaías vol. 1 ipaag.128-129 iparaag. 20-21
Inatiri yo nhooleli o nnema
20 Woohipica, Yesu naahala waamalamaliha awanani a Nluku. (Apok. 17:14; 19:11-21) Uyo naahala waatthema awanani a Nluku kahi niikuru caapinaatamu. Masi nlattu wo ikuru ca Yehova. (Masuw. 7:2-22) Apoovu a Nluku khanhala ulupatthiya-tho!
21 Yesu khanrwa waakwanyulaca awanani a Nuku apheelaka paahi woonihera wiira haana ikuru. Uyo nohala upanka iyo wiira awaane nnema nihimmala. Khinhalatho ukhala ikhotto!—Isaa. 46:9.
Ikano cowiipithya co mbiibiliyani
Ukhalenla 04/2021 ipaag. 14 iparaag. 1-2
Nhihiyerere usukhurweela woopoliya wihu
UWAKATI Atamu waavanryaawe matampi, ahohaleela ukumi woohimala uyova ni asaanaawe otheene yaahala uyarya wahoolo. Khayaarivo mananna wiira Atamu aleveleliye itthu yaapankilyaawe. Uyo aavanre matampi imweeni, phimaana waanomphwanela ukhwa. Masi asaana a Atamu, khiivo itthu yootakhala yaapankilyaaya ni kahi phanthepenrye uvara matampi. (Aroo. 5:12, 14) Niireke ihaavo yaahala upankiya wiira yoopoliye muukhwani? Iyee. Woohipica Atamu navanreene matampi, Yehova ahoonihera vakaani-vakaani isiyani yaahalaawe upanka wiira awoopole asiculawe Atamu mmatampini ni muukhwani. (Upha. 3:15) Nuuwakatyaaya, Yehova anhala unveleeliha Mwanawe watuninyani wiira “avahe ukumyaawe, wiira awoopole atthu enci.”—Mark. 10:45; Joau 6:51. 2
2 Yesu hovaha ukumyaawe wiira alive itthu ihalenlyaawe Atamu. (1 Akor. 15:22) Kontha isiyani ninaapheela woopoliya? Kontha Yehova khanle nasariya. Nlamulo Yehova naavahilyaawe asarayeli, naahimya wiira ntthu amwiivaka nkhunanawe, wahaana uliveleliyaka ukumi nuukumi. (Nkw. 21:23, 24) Atamu halenle ukumi woohipahuwa. Vano wiira itthariye isariya ya Nluku, Yesu ahaana avahaka ukumyaawe woohipahuwa. (Aroo. 5:17) Ala manannaala, Yesu hokhala athumwanaya atthu otheene anaamini woopoliya wihu.—Isai. 9:6; Aroo. 3:23, 24.
22-28 YO DEZEMBRO
MIHAKHU CO NNUULUMONI NA NLUKU ISAIYA 11-13
Manannani aahalaawe ucuweleliya Mesiya?
Profecia de Isaías vol. 1 Ipaag. 159 iparaag. 4-5
Woopoliya ni utteeliya nlattu woohooleliya ni Mesiya.
4 Moolumo “uhalana” ni “irittha” ampwanyannya nhina Isaiya 11: 1 anawoonihera wiira Mesiya aahala ukhala ucuulu wa Yesee nlattu wo mwaamwanawe Davidi, aathanliye wiira akhale mwene o wiisarayeli. (1 Sam. 16:13; Jerem. 23:5; Apok. 22:16) Ukati waahalaawe uphiya Mesiya, irittha yo nloko na Davidi yaanhala wiima mihokorokho comaana.
5 Yesu phiri Mesiya aakhuluvelihiye. Matewus ahohimya moolumo ari nhina Isaiya 11:1 ukati weenryaawe wiira nlattu wowiihaniya Yesu nnasareenu yaanawiiraneehiya inatiri co maporofeeta. Nlattu wowuunuwihiya u Nasaree, Yesu eehaniya nnasaree. Ncina ninlattanaca ni moolumo ari nhina Isaiya 11:1 anaaca “iritta”.—Mat. 2:23; Luka 2:39, 40.
Profecia de Isaías vol. 1 ipaag. 59 iparaag. 6
Woopoliya ni utteeliya nlattu woohooleliya ni Mesiya
6 Mesiya anhala oothanliya masi woohikhala ni makhura masi ninnepa wowaarya. Iyo itthwiiyo yaheerannyaa ukati waapattisiyaawe Yesu ni Joau mpattisa, Joau ahoona nnepa wowaarya unkhuruwelaka toko ikhuntta. (Luka 3:22) Nnepa wowaarya wa Yehova wahonkhuruwela Yesu ni uyo ahoonihera ukhalana uyo nnepooyo ukati wooniheraawe ucuwelaca, uviriyana, wiiwelela ni ikuru coopanka miirirya. Ayo phi makhalelo omaana o nhooleli!
Profecia de Isaías vol. 1 ipaag.160 iparaag. 8
Woopoliya ni utteeliya nlattu woohooleliya ni Mesiya
8 Inannani Mesiya ahalaawe woonihera wiira anaamova Yehova? Unawoonannyaa wiira Yesu khaahala umoova Yehova nlattu wo woova uhukhumwiya. Uhiya commo, Mesiya anaahala woonihera umoova Nluku anhisimaka, uyo anaahala umwiiwelela ni nifento. Khampa Yesu, ntthu nomoova Nluku unaancivela upanka citthu comaana. (Joau 8:29) Yesu naaniitthuciha ni moolumo ni citthu cimpankaawe wiira khaavo makhalelo annitteeliha nrima cinene uvikana utteeliya umphwanyeehu nanttitthimihaka Yehova khula mahuku.
Profecia de Isaías vol. 1 ipaag. 160 iparaag. 9
Woopoliya ni utteeliya nlattu woohooleliya ni Mesiya
9 Nyuuva khawaahala wuucivelani uhukhumwiya ni suwiisi omaana, khampa ule nhimiya nhina Isaiya 11:3? Ukhala wiira khanle suwiisi o ntuniyani motheene, Mesiya khanhala uhukhumu woohisariya ni khanhala uhukhumu attharihenlaka citthu coohimiya cowoothiya awula anwehaceraka ntthuuyo ni citthu cirinaawe. Uyo khanweheeya makhalelo omwiirutthuni wawe ntthuuyo masi noweheeha nrimaawe. (1 Pet. 3:4) Ikhanle itthu yofayita mahumu untakiha Yesu ukati unaalakaaya mayamunna o wanlokoni.—1 Ako. 6:1-4.
Profecia de Isaías vol. 1 ipaag. 161 iparaag. 11
Woopoliya ni utteeliya nlattu woohooleliya ni Mesiya
11 Attharyaawe yapheelaka uvahiya ikano, Yesu nawaavaha nimanaanna inhalaaya waakavihera. Iyo ikhanle itthu mahumu inlamuliyaaya utakiha. Yaahipankeke commo, anaahala uttarusiya. Ukati Nluku unhalaawe ulakela waalivyaanihera ale ahimmwiiwelela, Mesiya naahala waakwanyulaca atthu otheene ohinamaana. (Isaa. 2:9; Apok. 19:15.) Vano, khanhala-tho ukhala atthu ohinamaana anhala umalamaliha nnema watuninyani. (Isaa. 37:10, 11) Yesu ri owiittenkaceene wiira iranyeehe iyo itthwiiyo.—Isaa. 45:3-7.
Ikano cowiipithya co mbiibiliyani
Ukhalenal 09/2022 ipaag. 20 iparaag. 2
‘Atthu enci anaahala ukaviheriya weettela isariya’
2 Atthu otheene anhala wunwelelihiya ahaana yarwaaka wiitthucihiya. (Isai. 26:9; 61:11) Phimaana, unaahala uvariya nteko muulupale woosomihiya atthu moolumo a Nluku uhinapaca thanku uvariya ntuninyani motheene. (Nsome Isaiya 11:9, 10.) Kontha isiyani ayo atthwaayo unhalaaya upheela wiitthucihiya? Kontha atthu yaheettenle isariya anhala wunwelelihiya anaahala upheela wiitthucihiya myaha ca Yesu, Umwene wa Nluku, woopoliya wihu, ncina na Yehova ni ukhulupale wa Nluku. Ni hataa ale yeettenle isariya ciicammo anaahala upheela uhimyeeriya myaha Yehova cinicuwelihalyaawe vakaani-vakaani nhina itthu impheelaawe upanka watuninyani. Atthu enci yahaahiile unswalela Yehova akhwile Ibiiblya ihinamalihiya wantikhiya. Phimaana, atthu yeettenle isariya ni ale yaheettenle, otheene caya anrwaa wiitthuca citthu cinci.
29 DEZEMBRO- 4 JANEIRO
MIHAKHU CO NNUULUMONI NA NLUKU ISAIYA 14-16
Awanani aapoovu a Nluku anaahala uttarusiya
Profecia de Isaías vol. 1 ipaag. 180 iparaag. 16
Yehova ahoonihaca ihaaya isittatti yaatthu owiicoona
16 Iyo khayiirannyeele yo mwaakha wo 539 hinaaya uyaryaa Kristu. Masi mahukwaala khanintikhinaca wiira inatiri Isaiya yaahimilyaawe acaka isittatti yo u Babiloniya ciheeranyaa. Nna va nipuru naakhalaaya isittatti yo u Babiloniya khunkhaliya ni ciri ihalahalo. Khunkhitiryaa woona ni wuuluma woohuupuwela mananna inatiri ya Isaiya ni ya Jerema ceeranyeelyaaya. Unawoonanyaa wiira mahuku a isaiya khaarivo nanka pinaatamu ahala uhimyaca itthu yaahala wiiranyeela isittatti yo u Babiloniya. Cinavinreene myeekha 200, icittatti yo u Babiloniya yaahakwanyulaciya. Uvira waya myaakha, wahothamathamiya nno nipuronno. Iyo itwiiyo khinlipihaca waamini winyu wiira Ibiibilliya ikhanle nuulumo na Nluku? (2 Tim. 3:16) Uhiya commo, ukhala wiira Yehova heeranyeeha inatiri cawe co khalayi, pooti unkhuluveleehu wiira inatiri co mbiibiliyani cihinaaya wahoolo cinaahla wiiranyaa.
Profecia de Isaías vol. 1 ipaagi 184 iparaag. 24
Yehova ahoonihaca ihaaya isittatti yaatthu owiicoona
24 Mbiibiliyani mamwene o nloko na Davide yaholattanihiya ni ittonttwa (Manu. 24, 17) Weeriyaka mwaako wo mikuttano inaaciya Isittatti yo Yeerusaleemu, kontha iyo yaatekiye umwaakoni siyawu. Ulakela wawe wiira mamwene otheene o Yuuta amalamalihiye nhina ule mwaakole Nabukodonosor ahoonihera wiira anapheela ulamulela nnye ittonttwanye. Ukhitiri wawe wattema ale mamwenyaale, Nabukodonosor khanttittimihile Yehova ni aanawiicoona.
Profecia de Isaías vol. 1 ipaag. 189 iparaag. 1
Ikano Yehova avahilyaawe atthu yahanswalela
Mahuku a porofeeta Isaiya, Asiiriya yaanawaahuviha apoovu a Nluku, ayo yahokwanyula o mwene wo Isarayeli ni yahokwanyulaca mapuro menci o Yuuta. Masi utteeliya waya wanaahala umaala wohipica, inatiri yaahimilyawe porofeeta Isaiya yaheerannya, Asiiriya yahomalamalihiya.
Profecia de Isaías vol. 1 ipaag. 194 iparaag. 12
Ikano Yehova avahilyaawe atthu yahanswalela
12 Khaampa cinhimyaawe Isaiya 16:13,14, Iseekulu 8 hinaaya uwa Kristu, isittatti yo u Mowaape yahoviriha masakha ni atthu enci yahothama. Uvira waya myakha apoovu o mowape khayaarivo-tho ni mahukwaala cihooneneliya ihalahalo co sittatti cinkupaleeliya wiira yakhala amowape.
Ikano cowiipithyaa co mbiibiliyani
Ukhalenla 05/2025 ipaag. 10 iparaag. 8
Nkhuluvele wiira Yehova naahala wuumaalihani—I
8 Waakhala toko wiira ayuuta yaarwaaniye u Babilooniya khayaahala ukhitiri-tho uhokoleela ilapwaaya. Ule ukatyuule, ahooleli o Babilooniya yaacisaka atthu, khayaahiya-tho uhokoleela ilapwaaya. (Isai. 14:17) Masi Yehova ahaavaha niweherero apoovwaawe. Uyo ahaakhuluveliha wiira aanhala waataphula wiira ahokoleele ilapwaaya ni khiivo hataa itthu yaahala unhiiha upanka ile yaalakenlyaawe. (Isai. 44:26; 55:12) Yehova aawehera isittatti yo Babilooniya khampa ntthupi. (Isai. 40:15) Khampa ntthu nowuucelelaawe ntthupi ni nihonaanyaaka-tho, Yehova phaahalaawe upanka isittatti yotheene yo Babilooniya. Nno niwehereronno naakavihenre cani ayuuta? Ayo yaheecoona umaalihiya. Nno niwehereronno ciicammo nahaakavihera niinanna ikiina. Isaiya hantikha co: “Ikuru caale anonweherera Yehova khacinhala umala.” (Nsome Isaiya 40:29-31.) Niweherero nahaavaha ikuru ayuuta. Ayo yaheecoona khampa wiira ‘anaavava toko asaaka.’