5. Ichemni Yeso​—Ineʼe Nwie ni che mbi mijim

1 MBA MIJIM TE KEBE ICHEMNI YESO

“Wan wed nyaʼa yeʼe . . . ni naʼe i iteni ni chuʼ itu bed minonoʼ.”​—Matthew 20:28

Eton ki imbeʼ eye ni te kebe ichemni Yeso e?

• Genesis 3:17-19

  Nyume ni Adam nyaʼa ghi tizue embi Nwie, wi nyaʼa nimni e eseʼ e chom mbi Jehovah, fori iteni ni zeng, fore Paradise.

• Romans 5:12

  Imbeʼ enu ni Adam nyaʼa ghe, te beʼi enu ribong fore ivi ribor.

• Ephesians 1:7

  Ichemni Yeso yie ichi Jehovah ni chi bed teni enu ribong fore ivi.

2 JEHOVAH NYAʼA NAʼA YESO ENI ICHEMNI

“Nwiekoʼ nyaʼa cha i wan we moʼ inga isig imbeʼ ti firi beri iteni enjim emed.”​—1 John 4:9

Jehovah nyaʼ naʼe ichemni we riye?

• Psalm 49:7, 8

  Chei wed moʼo reboʼo ina ni nyaʼa firi naʼe ichemni ni zon iteni zeng zeng we ni Adam nyaʼa nimni.

• Luke 1:35

  Jehovah nyaʼa cha i wan we moʼ ni wi ghaʼi kwa ringeʼ inga isig nii mbi gwi emed wi yeʼe wed ni zengi.

• Romans 3:23, 24; Hebrews 9:24

  Nyume ni Yeso nyaʼa zweme, wi nyaʼ wiri wo i ikang, pe naʼe ichemni eni i iteni zeng zeng we ni wi chuʼ ewa engu embi Jehovah.

3 ICHEMNI YESO WIE NAʼA IKONDI CHOM INA

“Wi biri fu misi mijim teni egheu mimed, ene chei bed biri wiri kwi.”​—Revelation 21:4

Ti firi jig injim teni ichemni Yeso tiye?

• 1 John 1:8, 9

  Nwie firi waʼ mba inu ribong.

• Hebrews 9:13, 14

  Ti firi beri fing ni zengi ife Nwie.

• Romans 6:23

  Te beri ikondi eni iteni ri noʼe mie.

• Galatians 2:20

  Ichemni Yeso e chwie nii Jehovah mbi Yeso kang ghaʼa ewa.

4 TI BERI NI BENI ICHEMNI YESO

“Nwie . . . nyaʼ naʼi i wan we moʼ, nii wed we ni zi ibeni igwi med firi . . . beri iteni rimi.”​—John 3:16

Ti kie wi naʼa meben ewe eni ineʼ we ni Nwiekoʼ e chuʼ ewa engu riye?

• John 17:3

  Kwembi kyeri Jehovah fore Yeso, be migri mimed.

• Luke 22:19

  A wor yeʼe ti forti kondi ivi Yeso inga ighem iwu ijim.

• John 3:36; James 2:26

  Tire gha e amei nii te beni Yeso, be ghi inu mbe ni med chwe ina.