12. A kie wo yeʼe eseʼ Nwie riye?

1 MISEʼE JEHOVAH MBE ZUUNIE EMED

“Mbe zuuni mi ingam, ene mi biri yeʼe e Nwie, mbe be si yeʼe mbi bed.”​—Jeremiah 7:23

Ichi wie kang engu ni yeʼe eseʼ mbi Nwie e?

• Genesis 22:18; James 2:23

  Abraham nyaʼa beng eni eseʼ e Jehovah imbeʼ ichi ni wi nyaʼa zuuni be zi ibeni igwi med.

• 2 Chronicles 16:9

  Jehovah biri weeri bed nie zuunie emed.

• Psalm 25:14; 32:8

  Jehovah wie naʼa iwe ringa inu embi mbi miseʼ.

• Psalm 55:22

  Jehovah biri kengi mbi miseʼ.

2 JOB NYAʼA ESEʼ E NWIE BE TEM TEʼRE IFE IBOR

“Eni inu mbor ijim, chei Job nyaʼa ghe enu ribong ke chuʼe Nwie nii wie ghe enu e moʼo ni beu.”​—Job 1:22

Satan nyaʼa zi ikwi ri ngeʼ tii igune Job e? Job nyaʼa be si ghi riye?

• Job 1:10, 11

  Satan nyaʼa ghae nii Job yie egyepi wed, ene wi ri nyaʼa ghaʼ e Nwie.

• Job 1:12-19; 2:7

  Jehovah e nyaʼa sang nii Satan e nimni ighi Job ijim. Satan nyaʼa si wiri wo imbii ze ewon e ka ka moʼo igwi med.

• Job 27:5

  Job ri nyaʼa kyere i eton ni wi nyaʼa zeue ngeʼ kyeng zor, a yie wi nyaʼa tem teʼre igwi ibeni.

3 SATAN WI KEBE PEURI EWE RI IFE JEHOVAH

“Wed biri naʼa ighi jim ni wi beri imbeʼ i iteni.”​—Job 2:4

Satan kie kebe cheki a eseʼ mbi Jehovah riye?

• 2 Corinthians 11:14

  Satan wi kebe ichi ni tambi ewa imbeʼ ti ghi rizue embi Jehovah.

• Proverbs 24:10

  I wi kebe ichi ni ghi ti kondi nii tiri ka kuʼ ewa ni wumnie Jehovah.

• 1 Peter 5:8

  Satan wie cheue ewa.

• Proverbs 27:11

  A wor choʼ ni zuunie Jehovah be yeʼe iseʼ med chom. Ezor biri chwe nii Satan yie wed mighab.

4 TI WIE ZUUNIE JEHOVAH IMBEʼ ICHI NI TI GHAʼ EMED

“Ighaʼe Nwie yi inii te beri nung tikeu ri med.”​—1 John 5:3

A kie wo yeʼe eseʼ Nwie riye?

• Deuteronomy 6:5

  A wor ghaʼe Nwie, ezor biri weeri ewe a yeʼe zuunie.

• Isaiah 48:17, 18

  A wor zuunie Jehovah, a biri sie jig e injim ighem ijim.

• Deuteronomy 30:11-14

  Beni nii chei Jehovah firi gha nii a ghe enu e moʼo ni che e ika.

• Philippians 4:13

  Ghi inu ni kuʼni, Jehovah biri sie naʼa ika we ni a kebe.