Isamu
Ku mukalamba wakwe ya kiimba; ukuomvya ivilimba vya nsale. Ulwimbo luno Devedi wimvile.
4 Nga nama ungasuke we Leza wane umulungame.
Undange inzila ya kupusukilamo umu ntazi zyane.
Unguvwile uluse nu kuvwa ipepo lyane.
2 Mwe yana ya yantu, uzye mulatwalilila ukunsaalula ukufika lilaci?
Nupya mulatwalilila ukutemwa ivya sile sile nu kulondelezya ivya ufi ukufika lilaci? (Selah)
3 Manyini ukuti Yeova alacindamika antu yakwe acisinka umu nzila iiyele;*
Yeova aluvwa nga napepa kuli aliwe.
4 Sokini lelo mutayembuka.
Mwavwangila umu myenzo inu, pali ya bedi inu nupya mwaikala mya. (Selah)
5 Mwapeela malambo ya ulungami,
Nupya mwataila Yeova.
6 Aingi yakalanda iyati: “A weni aalatulanga icisuma?”
We Yeova leka uluswepo lwa cinso cako lukozye pali sweswe.
7 Watulenga umwenzo wane ukuya sana ni nsansa
Ukucila aakweti ivyakulya ivingi na waini umupya.
8 Ndalaala nu kukasula umu mutende,
Pano wewe sile wenga we Yeova ukalenga nikale umu ncende icingililwe.