Isamu
Mikitamu* wakwe Devedi.
16 Ncingilile we Leza, pano muli wewe amuno nkafisama.
2 Inena Yeova inti: “Wewe Yeova, Intulo ya visuma vyane.
3 Nupya amuzilo aaya umu nsi,
Acindame yakandetela sana insansa.”
4 Yaayo aakakonka ya leza yauze yakaivuzizya intazi.
Ntalatala injitulwile upe wa vyakumwa uwa wazi,
Nupya ntalalumbula na mazina yao.*
5 Yeova aakampeela vyonsi vino nakwata, aaliwe akampeela vyonsi vino nkalondekwa, nupya ali kapu wane.
Wewe ukacingilila ica upyanyi cane.
6 Natemwa incende izisuma.
Natemwa ica upyanyi cane.
7 Ndalumbanya Yeova akampanda mano.
Nu mu nsita ya usiku kwene melenganyo yane yakandungika.
8 Lyonsi nkaika Yeova pa nkoleelo yane.
Pano waya ukwi kasa lyane ilya kwi lunji, ntalatala intenkanyiziwe.
9 Fwandi umwenzo wane ukazanga, nkasansamuka sana.
Nupya nacingililwa.
10 Pano utalansya umwi Lindi.*
Utalaleka umuntu wako uwa cisinka alole ilindi.*
11 Ukaleka imanye inzila ya ku umi.
Kuli wewe kwaya insansa izingi;
Kwikasa lyako ililunji kwaya insansa manda pe.