Yobo

 2 Uzye lyene i cani cino Leza angampeela,

I ca upyanyi ci icingafuma uku wa Maka Yonsi uwa papela?

 3 Uzye uzanzo usiloleela kacita wa viipe

Ni ntanzi uzye zisiloleela aakacita iviipe?

 4 Uzye Leza asilola muno nkapita

Nu kupenda intampulo zyane zyonsi?

 6 Si Leza ampime ukuomvya masikelo ya cumi;

Lyene alino alamanya ukaele wane.

 7 Ndi cakuti intampulo zyane zyatala zyafuma umu nzila

Nanti umwenzo wane wakonkeliile vino manso yane yaweni

Nanti makasa yane yakowela,

 8 Lekini nkomele imbezu nupya umuntu muze ace alye,

Lekini cino nalema citukulwe.

 9 Ndi cakuti umwenzo wane wabepwa uku mwanaci,

Nupya naya umukuloleela pa mulyango wa monsi munji,

10 Si mamane akasiile* umonsi muze ingaano

Nupya aonsi yauze yalaale nawe.

11 Pano icintu ca musango uuwo cingaya i ca winyi,

Lungaya uluyembu luno ya kapingula yangamfulwilapo.

12 Ungaya umoto uungoca nu konona,

Ukononela kumwi na vyonsi vino nakwata.

13 Ndi cakuti nakanyile ukupingula nu mulinganya aomvi yane alumendo nanti akazyana

Lino yailizyanyizye kuli nene,

14 Uzye ningacita uli lino Leza akumpingula?

16 Ndi cakuti nakanyile ukupeela apiina vino yalondanga

Nanti ukulenga mukamfwilwa ukuya nu ulanda;

17 Ndi cakuti naliile ivyakulya vyane nenga

Ukwaula ukwankanyako ana ya nsiwa;

18 (Pano ukufuma uku wance wane ana ya nsiwa yakulilanga pali nene nali kwati nene indi isi,

Nupya nkaazwa ya mukamfwilwa ukufuma uku wance.)

19 Nga nalolanga umwi aali umupiipi nu kufwa pa mulandu wa kuulizya ivyakuzwala

Nanti umupiina aatakweti icakuvimbala;

20 Ndi cakuti wafizilwe ukumpaala

Lino akuomvya icakuzwala icapangilwa na mavumbu ya ku mfwele zyane pakuti aauvwa icikailila;

21 Ndi cakuti natiinyizye umwana wa nsiwa

Lino walondekwanga uwazwilizyo umu mpongolo ya musumba;

22 Lyene muleke ikasa lyane lisokoke ukufuma umu ciye,

Nupya muleke ikasa lyane livunike pa kankonci.

23 Pano natiinyile uzanzo ukufuma kuli Leza,

Nupya ntali nu kwimilila pa nkoleelo ya ucindami wakwe.

24 Ndi cakuti nataile goldi

Nanti ukunena goldi umusuma inti, ‘Wewe ukancingilila!’

25 Ndi cakuti nazananga insansa umu vyuma ivingi vino nakweti

Pa mulandu wakuti nalonsile ivintu ivingi;

26 Ndi cakuti naweni ilanzi iliwala

Nanti umwezi ukupita umu lulumbi lwa uko;

27 Nupya ndi cakuti umwenzo wane wabefilwe umu nkama,

Intandika nu kutonsola ikasa lyane ala nkuvipepa;

28 Lyene nga lwali u luyembu luno ya kapingula yali nu kumfulwilapo,

Pano nga nakanyile Leza wa cumi.

29 Uzye natala nasansamukapo pa mulandu nu kononwa kwa mulwani wane

Nanti ukuvwa ningo pa mulandu wakuti iviipe ivimucitikila?

30 Ntatala nazumilizya akanwa kane ukuyembuka

Ukupitila umu kutiipwila umulwani wane kuti afwe.

31 Uzye aomvi amu ng’anda yane yasilanda ukuti,

‘Kusi umuntu aangalanda ukuti atalya ivyakulya vyakwe Yobo nu kwikuta.’

32 Kusi umwenyi uwalaalanga panzi usiku;

Nayulilanga aatandazi ivisaasa.

33 Uzye natala nafisapo uluyembu lwane wakwe vino antu yauze yakacita,

Ukupitila umu kufisa uluyembu lwane umu mufuko wa cakuzwala cane?

34 Uzye natala natiinapo vino iumba lya yantu lingacita,

Nanti uzye natala nuvwapo intete pa musaalula wa ndupwa zyuze,

Icakuti cindenge ukuya mya inatiina nu kufumila panzi?

36 Ningaasenda ibuku lilyo pa ciye,

Nupya ningalinyepelela uku mutwe wa cisote

37 Ningamunena vyonsi vino nacita

Ningaya kuli aliwe ukwaula intete, kwati a cilolo.

38 Ndi cakuti umusili wane walila pa mulandu wane

Pa mulandu wakuti nawivile ni mifolo yaloosezya pamwi;

39 Ndi cakuti naliile ivizao ivya mu musili uwo ukwaula ukulipila,

Nanti ndi cakuti nalenzile aineco ya musili uwo ukuya nu ulanda;

40 Si myunga iliyo imele mu cifulo ca ngaano

Ni vikoona ivikanunka vimele mu cifulo cakwe baale.”