Isamu

 2 Amakumbi ni mfizi ikalamba vyamuzinguluka;

Ulungami nu mulinganya ali mufula wa cilimba cakwe ica wene.

 3 Umoto ukafuma pa nkoleelo yakwe.

Nupya ukaoca alwani yakwe umu ntunga zyonsi.

 4 Kumyantula kwa nkuwa kukakozya umu mpanga;

Amu nsi yakalola nu kuzakaza.

 5 Imyamba ikasunguluka wi pula pa nkoleelo yakwe Yeova,

Pa nkoleelo ya Mwene wa nsi yonsi.

 6 Mayulu yakalanda apa ulungami wakwe,

Nupya antu yonsi yakalola ululumbi lwakwe.

 7 Si yonsi aakapepa icilubi icili consi yuvwe insonyi,

Yayo aakayuvwa pali ya leza yao aa sile sile.

 8 Zioni watauvwa nu kusansamuka;

Imisumba yonsi iya mu Yuda yatisansamuka

Pa mulandu nu upinguzi wako we Yeova.

 9 Pano we Yeova wewe wa Papelapela umu nsi yonsi;

Wacindamisya ukucila ya leza yonsi aasyala.

Akacingilila antu aaya ni cisinka kuli aliwe;

Akayapususya uku mwipe.

11 Uluswepo lukakozezya aalungame

Nupya aalungame umu mwenzo yakasansamuka.

12 Sansamukiliini muli Yeova mwe yalungami,

Nupya taizyini pi zina lyakwe ilya muzilo.